Eyni məhsulun müxtəlif mağaza və marketlərdə fərqli qiymətlərə satılması istehlakçılar arasında tez-tez müzakirə olunan məsələlərdəndir. Alıcılar eyni məhsula görə niyə bir satış nöqtəsində daha çox, digərində isə daha az ödəniş etdiklərini bilməyə çalışırlar. Qiymət fərqinə məhsulun alış dəyəri ilə yanaşı, icarə haqqı, əmək, nəqliyyat və digər satış xərcləri təsir göstərə bilər. Bundan başqa, mağazalar arasındakı rəqabət, tətbiq olunan endirimlər və satıcının mənfəət marjası da qiymətlərin dəyişməsinə səbəb olur. Nəticədə eyni məhsulun satış qiyməti müxtəlif ticarət obyektlərində fərqli formalaşa bilər. Bəs bu fərqlər hansı hallarda normal bazar şərti hesab olunur?

Strateji Kommunikasiya üzrə ekspert Səfər Aslanov Median.Az-a açıqlamasında deyib ki, eyni məhsulun fərqli mağazalarda fərqli qiymətə satılması qanunsuz deyil:

“Bu adi bazar davranışıdır. Hər mağazanın alış qiyməti, icarə haqqı və rəqabət mühiti fərqlidir. Eyni şəbəkənin fərqli filiallarında qiymət fərqi adətən icarə haqqı, yerli rəqabət mühiti və logistika xərclərindəki fərqdən yaranır. Mərkəzi, bahalı ərazidəki filial daha yüksək əməliyyat xərcini qiymətə yansıdır. Bəzi hallarda isə bu məqsədli strategiyadır. Şəbəkə eyni malı aşağı gəlirli rayonlarda ucuz, yüksək tələbatlı və ya rəqabətin zəif olduğu ərazilərdə isə nisbətən baha satır. Qanun yalnız iki şeyə icazə vermir. Birincisi, rəfdəki qiymətlə kassadakı qiymət fərqli olsun. Belə olarsa, alıcı üçün daha ucuz olan qiymət tətbiq edilməlidir. İkincisi, çekdə yazılandan artıq pul alınsın. Bu istehlakçı hüququnun pozulmasıdır və cərimə ilə nəticələnir”.

Ayselскачать dle 11.3