İkinci ixtisas qrupunda neçə plan yeri ayrılıb?

2026/2027-ci tədris ili üçün respublika ali təhsil müəssisələrinin II ixtisas qrupuna Azərbaycan və rus bölmələri, hər iki bölmənin birgə müsabiqəsi üzrə tələbə qəbulu planı və dövlət sifarişi üzrə yerlərin sayı açıqlanıb.

Dövlət İmtahan Mərkəzindən bildirilib ki, 2026/2027-ci tədris ili üçün ali təhsil müəssisələrinin II ixtisas qrupuna Azərbaycan bölməsi üzrə 11 min 900, rus bölməsi üzrə 510, hər iki bölmənin birgə müsabiqəsi üzrə 3620 yer olmaqla, ümumilikdə 16 min 30 plan yeri ayrılıb. Həmin yerlərdən 4185-i dövlət sifarişi əsasında maliyyələşdiriləcək.