Təhsildən kütləvi ayrılma: 13 min tələbə niyə oxumaqdan imtina etdi?
"2025–2026-cı tədris ilində təxminən 13 min tələbə təhsilini yarımçıq dayandırıb”.
Bunu Qaynarinfo-ya açıqlamasında təhsil eksperti Məzahir Məmmədli bildirib.
O, tələbələrin təhsildən ayrılmasının əsas səbəbləri kimi maddi çətinlikləri, təhsil haqqını ödəyə bilməməyi və davamiyyət problemlərini göstərib.
Ekspertin sözlərinə görə, təhsili yarımçıq qoyanlar arasında həm peşə, həm orta ixtisas, həm də ali təhsil müəssisələrinin tələbələri var:
"Bu rəqəm valideynlər üçün də ciddi siqnaldır. Bir çox valideyn düşünür ki, nə olur-olsun övladım mütləq tələbə olmalıdır. Lakin reallıq göstərir ki, bu yanaşma hər zaman nəticə vermir”.
Məzahir Məmmədli qeyd edib ki, bəzi hallarda tələbələr valideynlərin təkidi ilə təhsilə yönəldilsə də, sonradan maddi imkanların çatışmazlığı səbəbindən təhsildən imtina etməyə məcbur qalırlar:
"Valideynlər övladlarını oxumağa məcbur etməməli, onların maraq və bacarıqlarına uyğun istiqamət seçməlidirlər. Əks halda, tələbələr özləri təhsildən uzaqlaşır və daha çox peşə yönümlü sahələrə meyl edirlər”.
Ekspert bu vəziyyətin təkcə təhsil deyil, ümumilikdə sosial problem olduğunu vurğulayıb:
"Bu məsələ geniş ictimai müzakirəyə çıxarılmalı, həm sosial şəbəkələrdə, həm də ekspert platformalarında səbəblər ətraflı araşdırılmalıdır”.
Qeyd edək ki, 2025–2026-cı tədris ili üzrə açıqlanan statistikaya əsasən, təxminən 13 min tələbə təhsilini yarımçıq dayandırıb.
Bunu Qaynarinfo-ya açıqlamasında təhsil eksperti Məzahir Məmmədli bildirib.
O, tələbələrin təhsildən ayrılmasının əsas səbəbləri kimi maddi çətinlikləri, təhsil haqqını ödəyə bilməməyi və davamiyyət problemlərini göstərib.
Ekspertin sözlərinə görə, təhsili yarımçıq qoyanlar arasında həm peşə, həm orta ixtisas, həm də ali təhsil müəssisələrinin tələbələri var:
"Bu rəqəm valideynlər üçün də ciddi siqnaldır. Bir çox valideyn düşünür ki, nə olur-olsun övladım mütləq tələbə olmalıdır. Lakin reallıq göstərir ki, bu yanaşma hər zaman nəticə vermir”.
Məzahir Məmmədli qeyd edib ki, bəzi hallarda tələbələr valideynlərin təkidi ilə təhsilə yönəldilsə də, sonradan maddi imkanların çatışmazlığı səbəbindən təhsildən imtina etməyə məcbur qalırlar:
"Valideynlər övladlarını oxumağa məcbur etməməli, onların maraq və bacarıqlarına uyğun istiqamət seçməlidirlər. Əks halda, tələbələr özləri təhsildən uzaqlaşır və daha çox peşə yönümlü sahələrə meyl edirlər”.
Ekspert bu vəziyyətin təkcə təhsil deyil, ümumilikdə sosial problem olduğunu vurğulayıb:
"Bu məsələ geniş ictimai müzakirəyə çıxarılmalı, həm sosial şəbəkələrdə, həm də ekspert platformalarında səbəblər ətraflı araşdırılmalıdır”.
Qeyd edək ki, 2025–2026-cı tədris ili üzrə açıqlanan statistikaya əsasən, təxminən 13 min tələbə təhsilini yarımçıq dayandırıb.
