Bu barədə məlumat yeni nəşr olunan "Abituriyent” jurnalının 12-ci nömrəsində öz əksini tapıb. 

Qeyd olunub ki, 2025-ci ildə əla attestat alan 13 414 məzunun 6 490 nəfəri, yəni 48,38 faizi qəbul imtahanında 500–700 bal toplayıb. Bundan əlavə, onların 38,75 faizi 300–500 bal intervalında qərarlaşıb. Beləliklə, əla attestat alanların 87 faizdən çoxu qəbul imtahanında 300 bal həddini keçə bilib.

Cəmi 32 nəfər və ya 0,24 faiz 0–100 bal, 3,59 faiz isə 100–200 bal intervalında nəticə göstərib. Bu göstəricilər göstərir ki, əla attestat alanların böyük əksəriyyəti qəbul imtahanında da yüksək nəticə nümayiş etdirib. 

Ən aşağı göstərici isə orta attestat balı "3” olan məzunlarda müşahidə olunur. Bu kateqoriyaya daxil olan 2 280 nəfərin 1 146 nəfəri, yəni 50,26 faizi qəbul imtahanında 100 balı belə keçə bilməyib. 39,34 faizi 100–200 bal, 8,38 faizi isə 200–300 bal toplayıb. Yalnız 45 nəfər 300–500 bal, cəmi 1 nəfər isə 500 baldan yuxarı nəticə göstərə bilib.