Radiator və kabel oğurladılar, məhkum oldular
Səbail rayonu ərazisində bir neçə yaşayış evindən oğurluq edən bir qrup şəxsə qarşı açılmış cinayət işi üzrə məhkəmə prosesi başa çatıb.
Qaynarinfo məhkəmə materiallarına əsasən xəbər verir ki, Elgün, Rauf və Kənan (adlar şərtidir) qabaqcadan əlbir olaraq fərdi yaşayış evlərinə qanunsuz daxil olub oradan elektrik naqilləri, təhlükəsizlik kamera avadanlıqları və radiatorlar oğurlayıblar.
Oğurlanan əşyaların ümumi dəyəri minlərlə manatla ifadə olunub.
Bir evdən 8 000 manat dəyərində elektrik naqilləri və 400 manat dəyərində kamera sistemi avadanlıqları götürülərək ümumilikdə 8 400 manat ziyan vurulub. Digər epizodda isə 3 ədəd radiator oğurlanıb və 150 manat maddi zərər qeydə alınıb.
Təqsirləndirilən şəxslər oğurladıqları əşyaları daha sonra metal qəbulu məntəqələrinə satdıqlarını bildiriblər. Onlardan biri əməli etiraf edib, digərləri isə ittihamı qismən qəbul edərək ifadələrinin təzyiq altında alındığını iddia ediblər.
Zərərçəkmiş şəxslər evlərindən naqil, kamera sistemi və radiatorların oğurlandığını, onlara maddi ziyan dəydiyini bildiriblər.
Məhkəmənin hökmü ilə təqsirləndirilən şəxslərin hər birinə 2 il müddətinə azadlığın məhdudlaşdırılması cəzası təyin edilib.
Onların şübhəli şəxs qismində saxlanıldıqları müddət təyin olunmuş cəzadan çıxılıb və üzərlərində 1 il 11 ay 26 gün müddətinə azadlığın məhdudlaşdırılması cəzası saxlanılıb.
Qaynarinfo məhkəmə materiallarına əsasən xəbər verir ki, Elgün, Rauf və Kənan (adlar şərtidir) qabaqcadan əlbir olaraq fərdi yaşayış evlərinə qanunsuz daxil olub oradan elektrik naqilləri, təhlükəsizlik kamera avadanlıqları və radiatorlar oğurlayıblar.
Oğurlanan əşyaların ümumi dəyəri minlərlə manatla ifadə olunub.
Bir evdən 8 000 manat dəyərində elektrik naqilləri və 400 manat dəyərində kamera sistemi avadanlıqları götürülərək ümumilikdə 8 400 manat ziyan vurulub. Digər epizodda isə 3 ədəd radiator oğurlanıb və 150 manat maddi zərər qeydə alınıb.
Təqsirləndirilən şəxslər oğurladıqları əşyaları daha sonra metal qəbulu məntəqələrinə satdıqlarını bildiriblər. Onlardan biri əməli etiraf edib, digərləri isə ittihamı qismən qəbul edərək ifadələrinin təzyiq altında alındığını iddia ediblər.
Zərərçəkmiş şəxslər evlərindən naqil, kamera sistemi və radiatorların oğurlandığını, onlara maddi ziyan dəydiyini bildiriblər.
Məhkəmənin hökmü ilə təqsirləndirilən şəxslərin hər birinə 2 il müddətinə azadlığın məhdudlaşdırılması cəzası təyin edilib.
Onların şübhəli şəxs qismində saxlanıldıqları müddət təyin olunmuş cəzadan çıxılıb və üzərlərində 1 il 11 ay 26 gün müddətinə azadlığın məhdudlaşdırılması cəzası saxlanılıb.
