Mərakeşdə yaşayış binası uçdu: 14 ölü, 6 yaralı

Mərakeşin Fəs şəhərinin tarixi hissəsində beşmərtəbəli yaşayış binası uçub.

Median.Az "Hespress" portalına istinadən xəbər verir ki, faciə nəticəsində 14 nəfər ölüb, müxtəlif dərəcəli xəsarətlər alan daha altı nəfər isə xəstəxanalara yerləşdirilib.

Dağıntılar altında heç kimin qalmadığına əmin olduqdan sonra xilasetmə xidmətləri axtarış-xilasetmə əməliyyatını başa çatdırıblar.

Hadisədən dərhal sonra yerli hakimiyyət orqanları yeni uçqun təhlükəsini nəzərə alaraq qonşu binaların sakinlərinin təxliyəsinə başlayıblar. Faktla bağlı prokurorluğun nəzarəti altında rəsmi araşdırma aparılır.