Türkiyədə kömür mədənində FACİƏ - Dörd nəfər dağıntılar altında qaldı

Türkiyənin Zonquldak bölgəsinin Kilimli rayonunda kömür mədəni ocağında uçqun baş verib.

Median.Az Türkiyə mətbuatına istinadən bildirir ki, hadisə zamanı mədəndə olan dörd işçi dağıntılar altında qalıb.

"Dağıntılar altında qalan bir nəfərin sağ qaldığı barədə məlumat var. Onunla əlaqə yaradılıb və danışılıb. Xilasetmə işləri davam edir. Ümid edirəm ki, işçilərin hamısını qısa zamanda sağ-salamat çıxaracağıq", - deyə yerli rəsmilərdən biri deyib.

Əraziyə xilasetmə qüvvələri, təcili tibbi yardım və jandarm qrupları göndərilib.