AZAL, yoxsa ADY: Tbilisiyə hansı ilə səfər sərfəlidir?
Azərbaycan və Gürcüstan arasında sərnişin qatarlarının mayın 26-dan etibarən bərpa edilməsi xəbəri insanlarda böyük maraq doğurub. Gürcüstana və Türkiyəyə, eləcə də əks istiqamətdə səfər etmək istəyən insanlar nəqliyyat qiymətlərini müqayisə edir. Azərbaycan Dəmir Yollarının (ADY) açıqladığı məlumata əsasən, Bakı-Tbilisi marşrutu üzrə bir biletin qiyməti minimum 81 manat olacaq.
İndiki vəziyyətdə qonşu ölkəyə səfər etmək istəyənlər ya dəmir yolu, ya da hava nəqliyyatından istifadə etməli olacaqlar.
Bəs sərnişinlər üçün hansı seçim daha sərfəli olacaq: qatar, yoxsa təyyarə ilə səfər etmək?
Sfera.az mövcud təyyarə və qatar biletlərinin qiymətləri əsasında kiçik araşdırma aparıb.
Uzun müddətdir ki, quru sərhədlər bağlıdır. Bu səbəbdən Tbilisiyə səfər üçün yeganə yol hava nəqliyyatı olub. Bu vəziyyət AZAL-ın bilet qiymətləri ilə bağlı mütəmadi narazılıqlar yaradıb. Bəzi dönəmlərdə birtərəfli biletlər 300 AZN-i keçib və sərnişinlər üçün əlverişsiz hesab olunub. Dəmir yolunun açılmasından sonra isə AZAL-ın saytında Gürcüstan istiqamətinə müəyyən bir çeviklik və qiymət tənzimlənməsi görünür. Cari mövsüm, yəni may ayının sonu və iyun ayı üçün AZAL-ın qiymətləri fərqlidir. Hazırda birtərəfli Bakı-Tbilisi biletlərinin başlanğıc qiyməti 167 AZN – 248 AZN civarında dəyişir. Payız ayları üçün də aksiyalar mövcuddur. Əgər səfərinizi qabaqcadan, məsələn, sentyabr-oktyabr ayları üçün planlaşdırsanız, promolar daxil olmaqla 167 AZN-ə bilet tapmaq mümkündür.
Lakin gediş-qayıdış biletləri nisbətən bahadır; gediş 167 manat, qayıdış qiyməti isə 303 manatdır.ADY-nin təklif etdiyi 81 AZN-lik qiymət hava yolları ilə müqayisədə təxminən iki dəfə aşağıdır. Vaxt fərqini nəzərə almasaq, qatarla səfər daha cəlbedici görünür. Bu seçim büdcəsinə qənaət etmək istəyənlər üçün əlverişlidir.
Sərnişinlər dəmir yolunu seçməklə bir nəfər üçün 80–160 manat, iki nəfər üçün 160–320 manat, dörd nəfərlik ailə üçün isə 320–640 manat vəsaitə qənaət etmiş olur. Bu vəziyyət AZAL-ı yaxın gələcəkdə qiymət siyasətinə yenidən baxmağa məcbur edə bilər. Bakıdan Tbilisiyə gedən qatar buradan Qarsa da hərəkət edə biləcək. Qarsa, Türkiyənin şərq hissəsinə səfər etmək istəyənlər üçün bu, əla imkan olacaq. Hazırda quru yolu ilə Qarsa və ona yaxın ərazilərə yalnız Naxçıvan Muxtar Respublikasının sakinləri səfər edə bilir. Azərbaycanın digər sakinləri isə yalnız hava yolundan istifadə etməli olur.
Bakı-Tbilisi qatarının fəaliyyətə başlamasından sonra quru yolu ilə Qarsa da səfər imkanı yaranacaq. Türkiyə və Gürcüstan rəsmiləri Tbilisidən sonrakı xətt üçün qatar qiymətlərini hələ elan etməyiblər. Lakin ekspertlərin ilkin ehtimalları var. Onlar Bakıdan Türkiyəyə qatar biletlərinin təxminən 140–220 AZN arasında dəyişəcəyini göstərir. Əgər bu ehtimallar reallaşarsa, Türkiyənin şərq hissəsinə qatarla səfər etmək daha sərfəli olacaq.
İndiki vəziyyətdə qonşu ölkəyə səfər etmək istəyənlər ya dəmir yolu, ya da hava nəqliyyatından istifadə etməli olacaqlar.
Bəs sərnişinlər üçün hansı seçim daha sərfəli olacaq: qatar, yoxsa təyyarə ilə səfər etmək?
Sfera.az mövcud təyyarə və qatar biletlərinin qiymətləri əsasında kiçik araşdırma aparıb.
Uzun müddətdir ki, quru sərhədlər bağlıdır. Bu səbəbdən Tbilisiyə səfər üçün yeganə yol hava nəqliyyatı olub. Bu vəziyyət AZAL-ın bilet qiymətləri ilə bağlı mütəmadi narazılıqlar yaradıb. Bəzi dönəmlərdə birtərəfli biletlər 300 AZN-i keçib və sərnişinlər üçün əlverişsiz hesab olunub. Dəmir yolunun açılmasından sonra isə AZAL-ın saytında Gürcüstan istiqamətinə müəyyən bir çeviklik və qiymət tənzimlənməsi görünür. Cari mövsüm, yəni may ayının sonu və iyun ayı üçün AZAL-ın qiymətləri fərqlidir. Hazırda birtərəfli Bakı-Tbilisi biletlərinin başlanğıc qiyməti 167 AZN – 248 AZN civarında dəyişir. Payız ayları üçün də aksiyalar mövcuddur. Əgər səfərinizi qabaqcadan, məsələn, sentyabr-oktyabr ayları üçün planlaşdırsanız, promolar daxil olmaqla 167 AZN-ə bilet tapmaq mümkündür.
Lakin gediş-qayıdış biletləri nisbətən bahadır; gediş 167 manat, qayıdış qiyməti isə 303 manatdır.ADY-nin təklif etdiyi 81 AZN-lik qiymət hava yolları ilə müqayisədə təxminən iki dəfə aşağıdır. Vaxt fərqini nəzərə almasaq, qatarla səfər daha cəlbedici görünür. Bu seçim büdcəsinə qənaət etmək istəyənlər üçün əlverişlidir.
Sərnişinlər dəmir yolunu seçməklə bir nəfər üçün 80–160 manat, iki nəfər üçün 160–320 manat, dörd nəfərlik ailə üçün isə 320–640 manat vəsaitə qənaət etmiş olur. Bu vəziyyət AZAL-ı yaxın gələcəkdə qiymət siyasətinə yenidən baxmağa məcbur edə bilər. Bakıdan Tbilisiyə gedən qatar buradan Qarsa da hərəkət edə biləcək. Qarsa, Türkiyənin şərq hissəsinə səfər etmək istəyənlər üçün bu, əla imkan olacaq. Hazırda quru yolu ilə Qarsa və ona yaxın ərazilərə yalnız Naxçıvan Muxtar Respublikasının sakinləri səfər edə bilir. Azərbaycanın digər sakinləri isə yalnız hava yolundan istifadə etməli olur.
Bakı-Tbilisi qatarının fəaliyyətə başlamasından sonra quru yolu ilə Qarsa da səfər imkanı yaranacaq. Türkiyə və Gürcüstan rəsmiləri Tbilisidən sonrakı xətt üçün qatar qiymətlərini hələ elan etməyiblər. Lakin ekspertlərin ilkin ehtimalları var. Onlar Bakıdan Türkiyəyə qatar biletlərinin təxminən 140–220 AZN arasında dəyişəcəyini göstərir. Əgər bu ehtimallar reallaşarsa, Türkiyənin şərq hissəsinə qatarla səfər etmək daha sərfəli olacaq.
