Bu il dövlət proqramı çərçivəsində xaricdə təhsil üzrə prioritet hesab olunan ixtisaslar açıqlanıb. Siyahıda beynəlxalq münasibətlərdən mühəndisliyə, tibb sahəsindən logistika və İT istiqamətlərinə qədər bir sıra sahələr yer alıb.

Median.Az xəbər verir ki, Modern.az-a açıqlamasında təhsil eksperti Elçin Əfəndi bildirib ki, dövlət proqramı üzrə xaricdə təhsildə əsas prioritet hesab olunan istiqamətlər strateji sahələri əhatə edir.

Onun sözlərinə görə, beynəlxalq münasibətlər, dövlət idarəetməsi, energetika, iqtisadiyyat, maliyyə və biznes istiqamətləri əsas üstünlük verilən sahələr sırasındadır.
Ətraflı

Ekspert qeyd edib ki, arxitektura, şəhərsalma, tibb və səhiyyə, təbiət elmləri, ağır sənaye, neft-qaz sənayesi və ekologiya istiqamətləri də prioritet hesab olunur.

"Eləcə də mühəndislik, informasiya və kommunikasiya texnologiyaları, bəzi mədəniyyət və incəsənət sahələri, xüsusilə nəqliyyat və logistika istiqamətləri dövlət proqramında önəm verilən sahələrdəndir”, - deyə Elçin Əfəndi vurğulayıb.

Təhsil eksperti hesab edir ki, vətəndaşların məhz bu istiqamətlərə üstünlük verməsi vacibdir:

"Bu ixtisaslar dövlətimiz üçün prioritet hesab olunur. Gələcəkdə həmin sahələr üzrə təhsil alan şəxslərin dövlət qurumlarında və təhsil müəssisələrində çalışma imkanları daha geniş olacaq”.скачать dle 11.3