Yaponiya niyə Azərbaycanı seçdi? – Yeni enerji tərəfdaşlığının detalları
Yaxın Şərqdə artan geosiyasi risklər fonunda enerji təhlükəsizliyi məsələsi yenidən dünyanın diqqət mərkəzinə çevrilib. Uzun illər idxal etdiyi neftin böyük hissəsini Yaxın Şərqdən alan Yaponiya alternativ enerji tərəfdaşları axtarışını sürətləndirib. Bu prosesdə Azərbaycan neftinin ilk dəfə Yaponiya bazarına daxil olması diqqət çəkən məqamlardan biri hesab olunur. Bu addım Azərbaycanın Şərqi Asiyada enerji tərəfdaşı kimi mövqeyini gücləndirə və yeni iqtisadi əməkdaşlıqlar üçün imkanlar yarada bilər.
Yaponiyanın Azərbaycan neftinə maraq göstərməsi ölkəmiz üçün hansı iqtisadi üstünlüklər yarada bilər?
Bu əməkdaşlıq Azərbaycan üçün yalnız enerji deyil, digər iqtisadi sahələrdə də yeni imkanlar yarada bilərmi?
Yaponiya kimi böyük enerji idxalçısının Azərbaycanı seçməsi investorlar üçün hansı siqnalı verir?
Mövzu ilə bağlı Median.Az-a açıqlama verən Liberal İqtisadçılar Mərkəzinin rəhbəri Akif Nəsirli bildirilib ki, Yaponiyanın Azərbaycan neftinə maraq göstərməsi ilk növbədə Azərbaycanın enerji ixrac bazarlarının coğrafiyasını genişləndirir.
"Bu, ölkənin yalnız Avropa və yaxın regionlarla məhdudlaşmayan, Asiya bazarına da daxil olan enerji təchizatçısı kimi mövqeyini gücləndirə bilər", — deyə iqtisadçı əlavə edib.
Sədr qeyd edib ki, Yaponiya kimi böyük və texnoloji inkişaf etmiş iqtisadiyyatın Azərbaycan neftini seçməsi ixrac gəlirlərinin sabitləşməsi və yeni uzunmüddətli müqavilələrin yaranması baxımından mühüm üstünlük sayılır.
Bu əməkdaşlığın Azərbaycanın enerji təhlükəsizliyi baxımından da əhəmiyyətli olduğunu vurğulayan A. Nəzirli deyib:
"Neft satışında bazarların şaxələndirilməsi ölkəni hər hansı regionda yaranan siyasi və iqtisadi risklərdən daha az asılı vəziyyətə gətirir. Eyni zamanda Asiya bazarına çıxış Azərbaycanın beynəlxalq enerji layihələrində strateji rolunu artırır.
Məsələ yalnız enerji ilə məhdudlaşmaya da bilər. Yaponiya adətən əməkdaşlıq etdiyi ölkələrdə logistika, sənaye, nəqliyyat, liman infrastrukturu, alternativ enerji və yüksək texnologiyalar sahəsində də investisiya marağı göstərir. Bu baxımdan Azərbaycan üçün yeni sənaye layihələri, texnologiya transferi və birgə istehsal imkanları yarana bilər. Xüsusilə "yaşıl enerji", ağıllı infrastruktur və rəqəmsal iqtisadiyyat istiqamətində əməkdaşlıq perspektivləri diqqət çəkə bilər".
İqtisadçının fikrincə, Yaponiya kimi böyük enerji idxalçısının Azərbaycanı etibarlı tərəfdaş kimi seçməsi beynəlxalq investorlar üçün də mühüm siqnaldır. Bu, Azərbaycanın enerji təchizatçısı kimi sabitliyini, geosiyasi əhəmiyyətini və tranzit imkanlarını ön plana çıxarır. Belə seçim xarici investorların ölkəyə risk baxımından daha müsbət yanaşmasına və uzunmüddətli layihələrə marağın artmasına təsir göstərə bilər.
Dəniz Pənahova
Median.Az
Yaponiyanın Azərbaycan neftinə maraq göstərməsi ölkəmiz üçün hansı iqtisadi üstünlüklər yarada bilər?
Bu əməkdaşlıq Azərbaycan üçün yalnız enerji deyil, digər iqtisadi sahələrdə də yeni imkanlar yarada bilərmi?
Yaponiya kimi böyük enerji idxalçısının Azərbaycanı seçməsi investorlar üçün hansı siqnalı verir?
Mövzu ilə bağlı Median.Az-a açıqlama verən Liberal İqtisadçılar Mərkəzinin rəhbəri Akif Nəsirli bildirilib ki, Yaponiyanın Azərbaycan neftinə maraq göstərməsi ilk növbədə Azərbaycanın enerji ixrac bazarlarının coğrafiyasını genişləndirir.
"Bu, ölkənin yalnız Avropa və yaxın regionlarla məhdudlaşmayan, Asiya bazarına da daxil olan enerji təchizatçısı kimi mövqeyini gücləndirə bilər", — deyə iqtisadçı əlavə edib.
Sədr qeyd edib ki, Yaponiya kimi böyük və texnoloji inkişaf etmiş iqtisadiyyatın Azərbaycan neftini seçməsi ixrac gəlirlərinin sabitləşməsi və yeni uzunmüddətli müqavilələrin yaranması baxımından mühüm üstünlük sayılır.
Bu əməkdaşlığın Azərbaycanın enerji təhlükəsizliyi baxımından da əhəmiyyətli olduğunu vurğulayan A. Nəzirli deyib:
"Neft satışında bazarların şaxələndirilməsi ölkəni hər hansı regionda yaranan siyasi və iqtisadi risklərdən daha az asılı vəziyyətə gətirir. Eyni zamanda Asiya bazarına çıxış Azərbaycanın beynəlxalq enerji layihələrində strateji rolunu artırır.
Məsələ yalnız enerji ilə məhdudlaşmaya da bilər. Yaponiya adətən əməkdaşlıq etdiyi ölkələrdə logistika, sənaye, nəqliyyat, liman infrastrukturu, alternativ enerji və yüksək texnologiyalar sahəsində də investisiya marağı göstərir. Bu baxımdan Azərbaycan üçün yeni sənaye layihələri, texnologiya transferi və birgə istehsal imkanları yarana bilər. Xüsusilə "yaşıl enerji", ağıllı infrastruktur və rəqəmsal iqtisadiyyat istiqamətində əməkdaşlıq perspektivləri diqqət çəkə bilər".
İqtisadçının fikrincə, Yaponiya kimi böyük enerji idxalçısının Azərbaycanı etibarlı tərəfdaş kimi seçməsi beynəlxalq investorlar üçün də mühüm siqnaldır. Bu, Azərbaycanın enerji təchizatçısı kimi sabitliyini, geosiyasi əhəmiyyətini və tranzit imkanlarını ön plana çıxarır. Belə seçim xarici investorların ölkəyə risk baxımından daha müsbət yanaşmasına və uzunmüddətli layihələrə marağın artmasına təsir göstərə bilər.
Dəniz Pənahova
Median.Az
