Məhkəmə-Hüquq Şurasının 2019-cu il 14 noyabr tarixli 4 nömrəli Qərarı ilə təsdiq edilmiş "Azərbaycan Respublikası apellyasiya, ağır cinayətlər, hərbi, inzibati və kommersiya məhkəmələrinin ərazi yurisdiksiyası"nda dəyişiklik edilib.

Oxu.Az-ın əldə etdiyi məlumata görə, bununla bağlı Məhkəmə-Hüquq Şurasının sədri İnam Kərimov müvafiq qərar imzalayıb.

Qərara əsasən, İmişli, Saatlı, Sabirabad Füzuli Hərbi Məhkəməsinin yurisdiksiyasından, Xankəndi şəhəri, Xocalı rayonu Gəncə Hərbi Məhkəməsinin yurisdiksiyasından, Kürdəmir isə Tərtər Hərbi Məhkəməsinin yurisdiksiyasından çıxarılıb.

Həmçinin İmişli, Kürdəmir, Saatlı, Sabirabad Cəlilabad Hərbi Məhkəməsinin yurisdiksiyasına, Xankəndi şəhəri və Xocalı rayonu isə Tərtər Hərbi Məhkəməsinin yurisdiksiyasına aid olunub.скачать dle 11.3