Mojo.az — elanlar
RU
RU
Son Xəbərlər
13:59 Azərbaycanda bəzi məhsullar dövriyyədən çıxarılacaq - Yeni qaydalar | 13:47 Ötən ay 130 nəfər Azərbaycandan deportasiya edilib | 13:43 "Bir pəncərə" informasiya sistemi haqqında Əsasnamə təsdiqləndi | 13:42 İlham Əliyev Gənclər və İdman Nazirliyinə bir milyon manat ayırdı | 13:41 Dövlət xidmətinə yeni səlahiyyət verildi, işçilərinin say həddi artırıldı - Fərman | 13:40 Həmkəndlisini qısqanclıq zəminində öldürüb basdıran şəxsə hökm oxundu | 13:39 İşdən çıxarılan generala yeni vəzifə verildi | 13:37 Dövlət qulluğuna müsabiqə ilə bağlı yenilik | 13:36 Azərbaycanda bəzi şəxslər dövlət qulluqçusu ola bilməyəcəklər | 13:31 Qədəşovun kürəkəninə 11 il həbs - “Atlant” müsadirə edildi | 13:25 Həkimdən XƏBƏRDARLIQ: Güclü külək bu xəstəlikləri ağırlaşdıra bilər | 13:18 Bakıda polis əməkdaşı vəfat etdi - FOTO | 13:16 Prokuror generalın dələduzluqda ittiham olunan qızının həbsini tələb edir | 13:15 Dövlət qulluqçusunun pedaqoji fəaliyyəti yeni qaydada tənzimlənəcək | 13:10 Azərbaycanda fond yaratmaq 10 dəfə bahalaşır - Yeni tələb | 13:07 Güclü külək reklam lövhələrini aşırsa, məsuliyyəti kim daşıyır? – AÇIQLAMA | 12:39 Dövlət qeydiyyat nişanını saxtalaşdıran sürücü həbs edilib | 12:36 Gürcüstanda azərbaycanlı gəncin meyiti tapıldı | 12:35 Bu ərazilərə qar yağır | 12:34 FHN: Ötən həftə 182 yanğın olub, 6 nəfərin meyiti tapılıb |
Mojo.az Avto
Mojo.az Avto

COVID-19-dan sonra təhlükə: Yeni fəsad üzə çıxdı

27.02.2026 11:53 648
COVID-19-dan sonra təhlükə: Yeni fəsad üzə çıxdı
Keçirilmiş koronavirus (COVID-19) infeksiyası böyrək zədələnməsi riskini əhəmiyyətli dərəcədə artıra bilər.

ABŞ-də aparılan genişmiqyaslı araşdırma zamanı tədqiqatçılar üç milyondan çox insanın məlumatlarını təhlil etdikdən sonra bu nəticəyə gəliblər.

Tədqiqatın nəticələri "Communications Medicine" nəşrində dərc edilib.

Məlumata görə, qriplə müqayisədə COVID-19 keçirmiş şəxslərdə kəskin böyrək zədələnməsi riski 2,3 dəfə, xroniki böyrək xəstəliyi riski 1,4 dəfə, böyrək çatışmazlığının inkişaf ehtimalı isə təxminən 4,7 dəfə yüksək olub.

Araşdırma zamanı artıq böyrək xəstəliyi diaqnozu qoyulmuş iştirakçılar təhlilə daxil edilməyiblər. Bu isə infeksiyadan sonra yaranan yeni halların daha dəqiq qiymətləndirilməsinə imkan verib.

Müşahidə müddəti orta hesabla ilkin xəstəlikdən sonra təxminən bir il davam edib. Qrip böyrəklərə qısamüddətli və nisbətən yüngül təsir göstərdiyi halda, COVID-19 daha davamlı təsir nümayiş etdirərək həm kəskin, həm də uzunmüddətli orqan zədələnməsi riskini artırıb. Alimlər bunu böyrək hüceyrələrinin "SARS-CoV-2" virusunun toxumalara daxil olduğu reseptorları ehtiva etməsi ilə əlaqələndirirlər.

Müəlliflər vurğulayırlar ki, xüsusilə diabet və hipertoniyadan əziyyət çəkən xəstələrdə əvvəlki koronavirus infeksiyası risk faktoru kimi nəzərə alınmalıdır.

Böyrək funksiyasının daha tez-tez monitorinqi problemlərin erkən mərhələdə aşkarlanmasına və ağır fəsadların qarşısının alınmasına kömək edə bilər.
/oxu.az

Son xəbərlər