Stenford Universitetinin alimləri müəyyən ediblər ki, bədən kütləsi indeksinin (BKİ) 10% azalması 50 yaşdan sonra böyrək hüceyrəli karsinomanın inkişaf riskini 28% azaldır.
Araşdırmanın nəticələri "Cancer" jurnalında dərc olunub.
Araşdırmada 204 364 kişi və qadın iştirak edib. Tədqiqatçılar 18, 35 və 50 yaşlarındakı iştirakçıların sağlamlıq və BKİ göstəricilərini izləyiblər. BKİ insanın çəkisinin boyuna nə qədər uyğun olduğunu hesablayan ölçüdür.
Müşahidə dövründə 1 425 böyrək xərçəngi (böyrək hüceyrəli karsinoma) qeydə alınıb. Təhlil göstərib ki, artıq çəki bu xəstəlik üçün açıq-aşkar katalizatordur.
BKİ-də hər beş ballıq artım böyrək hüceyrəli karsinoma və onun bütün alt növlərinin inkişaf ehtimalını 10-40% artırır. Arıqlamaq isə öz növbəsində, qoruyucu təsir göstərir.
Alimlər hesablayıblar ki, gənclərdə (18-35 yaş) BKİ-nin hər 10 bal azalmasına görə böyrək hüceyrəli karsinomanın inkişaf riski 21% azalır. Bununla belə, oxşar arıqlamanın ən əhəmiyyətli faydası 50 yaşdan yuxarı insanlarda görülür və onların böyrək xərçənginə tutulma riski 28% azalır.
Şahidi olduğunuz hadisələri çəkib bizə göndərin!
Son Əlavə