Ev almaq, yoxsa pulu banka qoyub kirayədə qalmaq daha sərfəlidir? - Video
Azərbaycan Respublikasının Mərkəzi Bankının pul siyasəti icmalında bildirilib ki, 2025-ci ilin dekabr ayında kirayə haqları 2024-cü ilin eyni dövrü ilə müqayisədə 7,8 faiz artıb. Həmçinin qeyd olunub ki, 2025-ci ilin yanvar-dekabr aylarında əvvəlki ilin müvafiq dövrü ilə müqayisədə tikinti şirkətləri tərəfindən satılan mənzillərin qiyməti orta hesabla 12,7 faiz, təkrar mənzil bazarında isə 12,2 faiz yüksəlib.
Kirayə qiymətlərinin mənzillərin satış qiymətləri ilə müqayisədə daha az artması diqqət çəkir. Bu isə ev almaqla kirayədə qalmaq arasında seçim məsələsini aktuallaşdırır. Maraqlıdır, ev almaq daha sərfəlidir, yoxsa vəsaiti banka yerləşdirib faiz gəliri hesabına kirayədə yaşamaq?
Azərbaycan Qiymətləndiricilər Cəmiyyətinin sədri Vüqar Oruc məsələ ilə bağlı Baku TV-yə açıqlamasında bildirib:
"Hazırda qonşu ölkələrlə müqayisədə Azərbaycanda kirayə bazarı tam formalaşmayıb və kapitallaşma göstəriciləri də qonşu ölkələrdəki səviyyədə deyil. Yəni kirayədən əldə olunan gəlirlilik daha aşağıdır. Məsələn, Türkiyədə bir aylıq kirayə haqqı təxminən həmin yaşayış və ya qeyri-yaşayış sahəsinin dəyərinin 1 faizini təşkil edir. Azərbaycanda isə bu göstərici 0,5 faiz ətrafındadır".
Vüqar Oruc əlavə edib ki, tıxaclar və nəqliyyat xərcləri də nəzərə alındıqda, iş yerinə yaxın ərazidə kirayədə qalmaq daha sərfəli ola bilər. Bununla belə, əhalinin davranış modeli onların daha çox mənzil sahibi olmağa üstünlük verdiyini göstərir.
Daşınmaz əmlak üzrə ekspert Ramil Osmanlı isə fərqli mövqe sərgiləyib. O, kirayə qiymətlərinin satış bazarı ilə müqayisədə daha az artması barədə statistik göstəricilərlə razılaşmadığını bildirib:
"Aparılan araşdırmalar göstərir ki, kirayə mənzil bazarında qiymət artımları digər seqmentləri üstələyir. Bu isə kirayə bazarında tələbin yüksək olması, təklif portfelinin ildən-ilə azalması və ucuz mənzillərin daha bahalı yeni mənzillərlə sürətlə əvəz olunması ilə bağlıdır".
Kirayə qiymətlərinin mənzillərin satış qiymətləri ilə müqayisədə daha az artması diqqət çəkir. Bu isə ev almaqla kirayədə qalmaq arasında seçim məsələsini aktuallaşdırır. Maraqlıdır, ev almaq daha sərfəlidir, yoxsa vəsaiti banka yerləşdirib faiz gəliri hesabına kirayədə yaşamaq?
Azərbaycan Qiymətləndiricilər Cəmiyyətinin sədri Vüqar Oruc məsələ ilə bağlı Baku TV-yə açıqlamasında bildirib:
"Hazırda qonşu ölkələrlə müqayisədə Azərbaycanda kirayə bazarı tam formalaşmayıb və kapitallaşma göstəriciləri də qonşu ölkələrdəki səviyyədə deyil. Yəni kirayədən əldə olunan gəlirlilik daha aşağıdır. Məsələn, Türkiyədə bir aylıq kirayə haqqı təxminən həmin yaşayış və ya qeyri-yaşayış sahəsinin dəyərinin 1 faizini təşkil edir. Azərbaycanda isə bu göstərici 0,5 faiz ətrafındadır".
Vüqar Oruc əlavə edib ki, tıxaclar və nəqliyyat xərcləri də nəzərə alındıqda, iş yerinə yaxın ərazidə kirayədə qalmaq daha sərfəli ola bilər. Bununla belə, əhalinin davranış modeli onların daha çox mənzil sahibi olmağa üstünlük verdiyini göstərir.
Daşınmaz əmlak üzrə ekspert Ramil Osmanlı isə fərqli mövqe sərgiləyib. O, kirayə qiymətlərinin satış bazarı ilə müqayisədə daha az artması barədə statistik göstəricilərlə razılaşmadığını bildirib:
"Aparılan araşdırmalar göstərir ki, kirayə mənzil bazarında qiymət artımları digər seqmentləri üstələyir. Bu isə kirayə bazarında tələbin yüksək olması, təklif portfelinin ildən-ilə azalması və ucuz mənzillərin daha bahalı yeni mənzillərlə sürətlə əvəz olunması ilə bağlıdır".
