Pakistan təhlükəsizlik qüvvələri İslamabadda 30-dan çox insanın ölümünə səbəb olan terror hücumunun təşkilatçısını və üç əlaltısını saxlayıblar.

Bu barədə "The News" nəşri məlumat yayıb.

Qəzetin məlumatına görə, cinayətkarlar şimal-qərbdəki Hayber-Paxtunxva əyalətində tutulublar. Qeyd olunub ki, hücumun təşkilatçısı İŞİD terror qruplaşması ilə əlaqəli olub və Əfqanıstanda təlim keçib. Saxlanılma zamanı üç təhlükəsizlik işçisi yaralanıb, biri isə aldığı xəsarətlərdən ölüb.

Xatırladaq ki, fevral 6-da İslamabaddakı şiə məscidində terror aktı baş verib. Hadisə nəticəsində 36 nəfər həlak olub, 170-ə yaxın şəxs yaralanıb.скачать dle 11.3