Mojo.az — elanlar
RU
RU
Son Xəbərlər
13:59 Azərbaycanda bəzi məhsullar dövriyyədən çıxarılacaq - Yeni qaydalar | 13:47 Ötən ay 130 nəfər Azərbaycandan deportasiya edilib | 13:43 "Bir pəncərə" informasiya sistemi haqqında Əsasnamə təsdiqləndi | 13:42 İlham Əliyev Gənclər və İdman Nazirliyinə bir milyon manat ayırdı | 13:41 Dövlət xidmətinə yeni səlahiyyət verildi, işçilərinin say həddi artırıldı - Fərman | 13:40 Həmkəndlisini qısqanclıq zəminində öldürüb basdıran şəxsə hökm oxundu | 13:39 İşdən çıxarılan generala yeni vəzifə verildi | 13:37 Dövlət qulluğuna müsabiqə ilə bağlı yenilik | 13:36 Azərbaycanda bəzi şəxslər dövlət qulluqçusu ola bilməyəcəklər | 13:31 Qədəşovun kürəkəninə 11 il həbs - “Atlant” müsadirə edildi | 13:25 Həkimdən XƏBƏRDARLIQ: Güclü külək bu xəstəlikləri ağırlaşdıra bilər | 13:18 Bakıda polis əməkdaşı vəfat etdi - FOTO | 13:16 Prokuror generalın dələduzluqda ittiham olunan qızının həbsini tələb edir | 13:15 Dövlət qulluqçusunun pedaqoji fəaliyyəti yeni qaydada tənzimlənəcək | 13:10 Azərbaycanda fond yaratmaq 10 dəfə bahalaşır - Yeni tələb | 13:07 Güclü külək reklam lövhələrini aşırsa, məsuliyyəti kim daşıyır? – AÇIQLAMA | 12:39 Dövlət qeydiyyat nişanını saxtalaşdıran sürücü həbs edilib | 12:36 Gürcüstanda azərbaycanlı gəncin meyiti tapıldı | 12:35 Bu ərazilərə qar yağır | 12:34 FHN: Ötən həftə 182 yanğın olub, 6 nəfərin meyiti tapılıb |
Mojo.az Avto
Mojo.az Avto

Xətaidə yaşıllıqlar məhv edilir: "Aldatdılar ki, burada park olacaq" (Video)

09.01.2026 15:53 456
Xətaidə yaşıllıqlar məhv edilir:
Bakının Xətai rayonu ərazisində, Gəncə prospekti ilə Nəsrəddin Tusi küçəsini birləşdirən hissədə ağacların kəsildiyi bildirilir. Sakinlərin sözlərinə görə, uzun illərdir əkib-becərdikləri yaşıllıqlar tikinti şirkətlərindən biri tərəfindən məhv edilib, bəzi ağaclar yandırılıb, bəziləri isə kəsilib.

Eyni zamanda ərazidə yerləşən pilləkənlərin dağıdıldığı qeyd olunur.

"Bir günün içində 50 ilin pilləkənlərini məhv etdilər. Əvvəl bizi aldatmaq üçün dedilər ki, burada park olacaq. Sonra gördük ki, bina tikmək istəyirlər", - deyə sakinlərdən biri narazılığını ifadə edib.

Məsələ ilə bağlı sözügedən tikinti şirkəti - "Hayat Residence" MMC-nin direktoru Miralə Ağayeva açıqlama verib. O bildirib ki, ərazidə ağacların kəsilməsi və ya yandırılması şirkət tərəfindən həyata keçirilməyib.

Direktorun sözlərinə görə, aparılan işlər Şəhərsalma və Arxitektura Komitəsinin razılaşdırılmış əsaslandırma sənədlərinə uyğun icra olunur: "Layihədə sözügedən ərazidə mövcud pilləkənlərin sökülərək yenidən qurulması nəzərdə tutulub. Layihə çərçivəsində ərazidə dörd ədəd bina inşa ediləcək, eyni zamanda yaşıllıq salınacaq, pilləkənlər bərpa olunacaq və park yaradılacaq. Bütün bu işlər yenidənqurmadan sonra sakinlərin rahatlığı və səmərəli istirahəti üçün nəzərdə tutulub".

O əlavə edib ki, ərazidəki ağacların köçürülməsi üçün aidiyyəti quruma müraciət olunub.

Ekologiya və Təbii Sərvətlər Nazirliyi isə ağacların kəsilməsi faktını təsdiqləyib.

"Əraziyə baxış zamanı hasara alınmış sahədə ağacların kəsildiyi müəyyən edilib. Faktla bağlı akt tərtib olunub və təbiətə dəymiş ziyanın məbləği cinayət tərkibi yaratdığından materiallar hüquqi qiymət verilməsi üçün Azərbaycan Respublikasının Baş Prokurorluğuna göndərilməsi məqsədilə hazırlanır", - deyə Nazirlikdən vurğulanıb.

Qeyd olunub ki, ərazidə mövcud yaşıllıqlar qeydiyyata alınaraq onlara identifikasiya etiketi vurulub.

Son xəbərlər