Ukrayna Avropa və ABŞ ilə birlikdə Rusiya ilə müharibəni bitirmək üçün əsas sənədləri hazırlayıb, lakin hələ görüləsi işlər var".

Median.Az RBC.ua-ya istinadən xəbər verir ki, bunu Ukrayna Prezidenti Volodimir Zelenski diplomatlarla görüşdə bildirib.

O vurğulayıb ki, hazırda əsas məqsəd ədalətli sülh və müharibəyə son qoymaqdır:

"Ukrayna diplomatiya yolu ilə qələbəni təmin etmək üçün hər şeyi edir. Bu, Ukrayna müdafiəçilərinin həyatını xilas etmək üçün lazımdır. Sülh planında 20 bənd var. Əlbəttə ki, mükəmməl olmasa da, plan mövcuddur", - deyə prezident qeyd edib.

Zelenski həmçinin bildirib ki, Ukrayna, Avropa və ABŞ arasında təhlükəsizlik zəmanətləri ilə bağlı çərçivə sənədi mövcuddur. Eyni zamanda, Ukrayna üçün ABŞ ilə təhlükəsizlik zəmanətləri barədə ayrıca ikitərəfli sənəd də hazırlanıb. Bu sənəd Konqres tərəfindən bəzi detallar və məxfi düzəlişlərlə nəzərdən keçiriləcək. Prezident detalları açıqlamayıb.

Onun sözlərinə görə, ayrıca olaraq Ukraynanın bərpası ilə bağlı sazişin ilkin layihəsi də hazırlanıb:

"Yəni prinsipcə, bütün sənədlərin əsas hissəsi hazırdır", - deyə Zelenski bildirib.скачать dle 11.3