Dünyanın yaşamaq üçün ən yaxşı şəhərinin adı AÇIQLANDI

"Resonance Consultancy" konsaltinq şirkəti ardıcıl olaraq 11-ci dəfə Böyük Britaniyanın paytaxtı Londonu yaşamaq üçün dünyanın ən yaxşı şəhəri kimi tanıyıb.

Bu barədə təşkilatın saytında bildirilib.

Ekspertlər Britaniya paytaxtını "bütün paytaxtların paytaxtı" adlandırıb, onun yüksək rahatlıq səviyyəsini, mədəni müxtəlifliyini və inkişaf etmiş infrastrukturunu qeyd ediblər.

Reytinqdə ikinci yeri Nyu-York, üçüncü yeri isə Paris tutub. İlk onluğa həmçinin Tokio, Madrid, Sinqapur, Roma, Dubay, Berlin və Barselona da daxildir.