"Doğulduğumuz gündən müəyyən yaş dövrlərindən, periodlardan keçirik, hər birində fərqli duyğular yaşayır, yeni kəşflər edirik. Kiçik yaşlardan başlayaraq övladımıza olan münasibətimizdə diqqətli olsaq iləri yaşlardakı keçidləri daha rahat keçməsinə yardımçı ola bilərik”.
Bunu psixoloq Gövhər Məmmədova açıqlamasında bildirib.
O əlavə edib ki, yeniyetməlik dövrü çətin keçən periodlardan biridir:
“Çünki bu dövrdə düşüncələrlə yanaşı hormonal dəyişikliklər də baş verir, dolayı yolla aqressiv davranışlar artır yeniyetmə hislərini, əsəblərini idarə etməkdə çətinlik çəkir, ətrafdakı hadisələrdən daha tez qıcıqlanır, üsyankarlıq edir. Hətta bəzən çox basqı edildikdə zorakılıq, intihar hallarına da rast gəlinir. Yaxşı olar ki, valideynlər yeniyetmələrə qarşı daha təmkinli, qayğılı münasibət göstərsinlər. Fərqli fikirlərinə qarşı çıxaraq deyil onları dinləyərək, onları başa düşdüklərinə inandıraraq, onları narahat etməyəcək şəkildə nəzarəti əldən verməməklə qadağaları minimuma endirməyə cəhd göstərsinlər”.
Psixoloq diqqətə çatdırıb ki, yeniyetmələrin dostları ilə görüşmək, tək qalmaq, özünü isbat etmək kimi istəklərinə laqeyd yanaşılmamalıdır:
“Bu gün hansısa yeniyetmə yaxud gənc bir başqasının həyatına qəsd etməyə cəhd edirsə deməli bu bu gün yaranmiş duyğu deyil illərin üst üstə yığılmış fəsadlarıdır. Təbii ki burada yalnız valideynlərin deyil artıq ətraf mühitin də rolu böyükdür, məktəb müəllimləri də daxil olmaqla. Unutmamalıyıq ki, valideyn, tərbiyəçi, müəllim olaraq ən əsas vəzifələrimizdən biri uşaqları sevgi və güvən əksikliyi olmadan böyütməkdir”.
Şahidi olduğunuz hadisələri çəkib bizə göndərin!
Son Əlavə