“Metronun “Koroğlu” stansiyasının yaxınlığından Mehdiabada gedərkən “Bolt” taksi operatoru vasitəsilə taksi sifariş etdikdə sərnişinlərdən 2 manat əlavə ödəniş tələb olunur. Bir ilə yaxındır ki, müştərilərə qiyməti əvvəlcə ucuz, gediş bitdikdən sonra isə əlavə 2 manat ödəniş alırdılar. İndi isə açıq şəkildə sifarişi təsdiqləmə mərhələsində yola görə 2 manat əlavə olunacağı qeyd olunur”.

Bu şikayətlə “Qafqazinfo”ya Bakı sakini İlyas Heydərov müraciət edib.

Onun sözlərinə görə, sifarişə 2 manat əlavə olunması Böyükşor-Pirşağı avtomobil yolundan istifadə ilə əlaqədardır: “Həftədə 3 dəfə bu istiqamətdə taksi sifariş edirəm. Normalda həmin məsafəyə görə 8 AZN ödəniş yazılırdısa, artıq üzərinə 2 manat əlavə olunur. Yəni, 10 manat pul verməli oluruq. Bu, Böyükşor-Pirşağı avtomobil yolundan istifadəyə görə belədir. Əvvəl sürücüdən xahiş edirdik, o yoldan getmirdi, artıq onu da nəzərə almırlar”.

Problemlə bağlı “Bolt” şirkəti ilə əlaqə saxladıq. Şirkətin PR meneceri Nigar Kazımova sorğumuza cavab olaraq bildirdi ki, sözügedən məsələ araşdırılıb və yaranan problem tezliklə aradan qaldırılacaq: “Qeyd olunan sifariş üzrə səfərin qiyməti düzgün hesablanıb. Lakin proqram təminatındakı nasazlıq səbəbindən qiymətin bölgüsü sistemdə səhv göstərilib. Ümumi məbləğ tətbiqdə tam və düzgün şəkildə əks olunub. Proqram təminatında qiymət bölgüsü ilə bağlı nasazlıqla əlaqədar baş ofisə artıq müraciət edilib və problemin yaxın zamanda aradan qaldırılması gözlənilir”.

скачать dle 11.3