Lənkəran Ağır Cinayətlər Məhkəməsində xuliqanlıq niyyəti ilə qəsdən sağlamlığa zərərvurma və əmlakı qəsdən məhvetmə və ya zədələmədə təqsirləndirilən Hicran Cavadovun cinayət işi üzrə məhkəmə iclası başa çatıb.
Median.Az Pravda.az-a istinadən xəbər verir ki, hakim Xamməd Nuriyevin sədrliyi ilə keçirilən prosesdə hökm oxunub.
Məhkəmənin hökmü ilə Hicran Cavadov 8 il müddətinə azadlıqdan məhrum edilib.
İttihama görə, hadisə 2024-cü il dekabrın 14-də, saat 19 radələrində Masallı rayonunun Qızılağac kəndində bazar adlanan ərazidə yerləşən köhnə hamamın yanında qeydə alınıb.
Belə ki, sərxoş vəziyyətdə olan Hicran Cavadov mübahisə zamanı həmkəndlisi, zərərçəkmiş Fuad İbrahimovu sinəsindən bıçaqlayıb. Olaya səbəb isə sərxoş vəziyyətində olan zərərçəkmişin ondan mobil telefonunu satıb-satmamasını soruşması olub.
Bundan başqa, Hicran Cavadov həmin gün saat 20 radələrində dayısı, zərərçəkmiş Mahir Bədirovun (adı və soyadı şərtidir) yaşadığı kənddə yerləşən ona məxsus torpaq sahəsini əvvəllər satmasını əsas gətirib. Sonra Hicran dayısına məxsus 48 000 manat dəyərində fərdi yaşayış evini yandırıb. Beləliklə o, dayısına ümumilikdə 30 000 manat dəyərində maddi ziyan vurub.
Hadisədən sonra Hicran Cavadov saxlanılaraq cinayət məsuliyyətinə cəlb edilib.
Şahidi olduğunuz hadisələri çəkib bizə göndərin!
Son Əlavə