Şəki Ağır Cinayətlər Məhkəməsində qəsdən sağlamlığa ağır zərərvurmada təqsirləndirilən İqbal Bayramovun (adı və soyadı şərtidir) cinayət işi üzrə məhkəmə istintaqı başa çatıb.
Median.Az Pravda.az-a istinadən xəbər verir ki, hakim Xaliq Məmmədovun sədrliyi ilə keçirilən prosesdə hökm oxunub.
Məhkəmənin hökmü ilə İ.Bayramova şərti cəza verilib və dərhal həbsdən azad edilib.
İttihama görə, hadisə 29 iyul 2024-cü il tarixdə, saat 21 radələrində Ucar rayonunun Qaradağlı kəndində qeydə alınıb.
Belə ki, 1960-cı il təvəllüdlü İqbal Bayramov evin həyətində qardaşı oğlu, zərərçəkmiş Məlik Bayramova (adı və soyadı şərtidir) həmkəndlisini döydüyünə görə irad tutub. Bu zaman onların aralarında şəxsi münasibətlər zəminində mübahisə yaranıb. Sonra sərxoş vəziyyətdə olan İqbal stolun üzərindən götürdüyü mətbəx bıçağı ilə qardaşı oğlunun bədəninin müxtəlif nahiyələrinə 4 zərbə endirərək ona xəsarətlər yetirib.
Hadisədən sonra İqbal Bayramov saxlanılaraq barəsində həbs qətimkan tədbiri seçilib.
Şahidi olduğunuz hadisələri çəkib bizə göndərin!
Son Əlavə