Qazaxda iki gənc bir-birini bıçaqlayıb - Təfərrüat (Yenilənib)

Qazaxda qanlı davanın təfərrüatı məlum olub.

Median.Az APA-ya istinadən xəbər verir ki, hadisə rayon ərazisində qeydə alınıb.

Belə ki, rayon sakinləri 2005-ci il təvəllüdlü İ.Əlizadə və 2005-ci il təvəllüdlü F.Musayev bıçaq xəsarətləri ilə xəstəxanaya yerləşdiriliblər. Dərhal onlara yardım edilib, hazırda vəziyyətlərinin kafi olduğu bildirilir.

İlkin məlumata görə, hər iki şəxs aralarında baş verən mübahisə zamanı bir-birinə bıçaqla xəsarət yetiriblər.

Hazırda faktla bağlı araşdırma aparılır.

* * * * *

Qazaxda həmkəndlilər arasında dava düşüb.

Median.Az "Teleqraf"a istinadən xəbər verir ki, hadisə rayonun Birinci Şıxlı kəndində baş verib.

2005-ci il təvəllüdlü İsmayıl Əlizadə iki bıçaq yarası ilə Qazax Rayon Mərkəzi Xəstəxanasına yerləşdirilib.

Ona tibbi yardım göstərilib, vəziyyəti kafidir.

İlkin məlumata görə, adıçəkilən şəxs onunla eyni kənddə yaşayan 19 yaşlı Fərid Musayev tərəfindən bıçaqlanıb. Artıq F.Musayev saxlanılıb, faktla bağlı araşdırma aparılır.