Ötən ay "Sumqayıt"dan ayrılan Cordan Rezabalanın yeni klubu müəyyənləşib.
Ekvadorlu yarımmüdafiəçi karyerasını Meksikada davam etdirəcək. Müqaviləsi başa çatdıqdan sonra "Sumqayıt"dan ayrılan 25 yaşlı hücumameyilli oyunçu II Liqa təmsilçisi "Dorados de Sinaloa" klubuna keçib.
Meksika klubu Rezabala ilə müqavilə imzalandığını rəsmi saytı vasitəsilə açıqlayıb. "Dorados de Sinaloa" rəhbərliyi transfer dəyəri təxminən yarım milyon avro olan pleymeykerə böyük ümidlər bəsləyir və onun liderliyi ilə komandanın yüksək liqaya vəsiqə qazanacağına inanır.
Qeyd edək ki, Cordan Rezabala 2024-cü ilin əvvəlindən ötən aya qədər "Sumqayıt"ın formasını geyinib.
Şahidi olduğunuz hadisələri çəkib bizə göndərin!
Son Əlavə