Avstraliyalı cütlük Melburndan İtaliyanın Venesiya şəhərinə uçarkən dəhşətli vəziyyətlə üzləşib. Belə ki, uçuşdan qısa müddət sonra sərnişinlərdən biri huşunu itirib və ekipajın bütün səylərinə baxmayaraq, onu xilas etmək mümkün olmayıb. Bu səbəbdən Mitçell Rinq və Cennifer Kolin uçuşun qalan dörd saatını örtüklərə bükülmüş meyitin yanında keçirməli olublar.

Median.Az -ın "Metro" nəşrinə istinadla məlumatına görə, qorxulu hadisə "Qatar Airways"ə məxsus təyyarədə baş verib.

Bildirilir ki, ekipaj ölən qadını biznes-klassa köçürməyə çalışsa da, onun iri bədən quruluşu buna imkan verməyib və meyit oturacaqda qalıb. Mitçell qeyd edib ki, işçilər hətta örtükləri sərnişinlərin gözü qarşısında meyitin üzərindən götürüb yoxlama aparıblar.

Uçuş qorxusu olan Cennifer meyitin yanlarında yerləşdirildiyini anlayanda şok keçirdiyini etiraf edib.

Bu azmış kimi Dohada keçid aeroportunda enişdən sonra cütlük polis və tibb işçiləri təyyarəyə daxil olana qədər gözləməli olub.

Aviaşirkətdən heç kim onlara kömək və ya dəstək təklif etməyib. Cütlüyün sözlərinə görə, bu hadisə onların çoxdan gözlənilən İtaliya istirahətlərini "burunlarından gətirib".

"Qatar Airways" və biletlərin sifariş edildiyi Qantas şirkətinin nümayəndələri hadisəni araşdırdıqlarını bildiriblər. "Qatar Airways" üzr istəyib və daxili qaydalarına uyğun olaraq sərnişinlərlə əlaqə qurduqlarını qeyd edib.
//oxu.azскачать dle 11.3