ABŞ-ın 47-ci prezidenti Donald Tramp Kapitoli binasında keçiriləcək mərasimlə rəsmi olaraq vəzifəsinin icrasına başlayacaq.
Median.Az axar.az-a istinadən bildirir ki, mərasim Bakı vaxtı ilə saat 21:00-da başlayacaq və ABŞ-ın xəbər kanallarında yayımlanacaq.
Bildirilib ki, hava şəraiti ilə əlaqədar olaraq Tramp mərasimin Kapitoli binasının daxilində keçirilməsi barədə göstəriş verib. Hazırda binanın içində hazırlıqlar davam edir. Binanın xaricində isə üç metrlik hasarlar və 48 kilometr uzunluğunda müvəqqəti baryerlər quraşdırılıb.
Mərasimdən əvvəl Donald Tramp keçmiş prezident Co Bayden və ailəsi ilə ənənəvi çay mərasimində iştirak edəcək. Bu, hakimiyyətin dinc yolla ötürülməsini rəmzi olaraq əks etdirir.
Mərasim zamanı Trampın seçki kampaniyasında istifadə etdiyi məşhur zibil maşını da nümayiş etdiriləcək.
.jpg)
Şahidi olduğunuz hadisələri çəkib bizə göndərin!
Son Əlavə