Azərbaycanın Rəqəmsal İnkişaf Konsepsiyası təsdiqləndi » Median.Az - Bütün xəbərlər bir ünvanda
20:03 Sabah Bakıda Suriya və İsrail rəsmiləri arasında görüş keçiriləcək  |     19:45 Səssiz efir: Azərbaycanın region TV-ləri peyk yayımında niyə yoxdur?  |     19:27 Məhkəmə Erməni Apostol Kilsəsinin rəhbəri Mikael Adjapaxyan barəsində qərar verdi  |     19:06 Naxçıvan Ali Məclisi üçün yeni avtomobillər alınacaq - QİYMƏT  |     18:59 Kamçatkada güclü zəlzələdən sonra Pasxa adasında sakinlərin təxliyəsi başlayıb  |     18:47 Azərbaycanda bu məşhur universitetə 1,4 milyonluq mebellər ALINACAQ  |     18:29 Tehranda neft anbarında yanğın baş verib - Video  |     18:13 DSX zabiti ilə insidentə görə saxlanılan idmançıların məhkəmə araşdırması yekunlaşıb  |     17:49 Koronavirus peyvəndlərinin dörd ildə xilas etdiyi insan sayı açıqlandı  |     17:38 İlin əvvəlindən indiyədək 41 bağça müdiri işdən çıxarılıb  |     17:25 Son altı ayda əcnəbilərlə nikah bağlayan Azərbaycan vətəndaşlarının SAYI AÇIQLANDI  |     17:01 Finalda Azərbaycan idmançısını məğlub edən özbəkistanlı boksçuda dopinq aşkarlandı  |     16:43 Bakı-Ələt-Qazax yolunun bir hissəsində hərəkət 25 gün müddətində qismən məhdudlaşdırılacaq  |     16:41 Petropavlovsk-Kamçatskda 7,5 maqnitudaya qədər afterşok XƏBƏRDARLIĞI  |     16:00 Azərbaycanın 779 təhsil müəssisəsində təmir işlərinə başlanıb – RƏSMİ  |     15:59 Kamçatkada 14 yaşlı qız zəlzələ anında uşaq dünyaya gətirib  |     15:24 Məzuniyyət götürüb Rusiyaya getmişdi, faciəli şəkildə öldü  |     15:16 Qabil Məmmədova qiyabi HÖKM OXUNUB  |     14:51 Azərbaycanda istilik tarifləri ARTIRILDI  |     14:14 Azərbaycan qazının bu həftədən etibarən Suriyaya nəqli başlanılır  |    

Azərbaycanın Rəqəmsal İnkişaf Konsepsiyası təsdiqləndi

Prezident İlham Əliyev "Azərbaycan Respublikasında Rəqəmsal İnkişaf Konsepsiyası"nın təsdiq edilməsi haqqında Fərman imzalayıb.

Median.Az
President.az-a istinadən bildirir ki, fərmanla konsepsiyada nəzərdə tutulan tədbirlərin əlaqələndirilməsini və icrasına nəzarəti Azərbaycan Respublikasının Nazirlər Kabineti, konsepsiyada nəzərdə tutulmuş Rəqəmsal İnkişaf Operatorunun funksiyalarını Azərbaycan Respublikasının Rəqəmsal İnkişaf və Nəqliyyat Nazirliyi həyata keçirəcək.

Həmçinin, ali kateqoriya dövlət orqanları, habelə mühafizə olunan şəxslərin, qorunan və strateji obyektlərin təhlükəsizliyini təmin edən dövlət orqanları, kəşfiyyat və əks-kəşfiyyat fəaliyyətinin subyektləri istisna olmaqla, digər dövlət orqanları (qurumları) tərəfindən dövlət informasiya sistemlərinin və ehtiyatlarının formalaşdırılması və təkmilləşdirilməsi, eləcə də elektron xidmətlərin təşkili və təkmilləşdirilməsi üzrə layihələrin (büdcədənkənar dövlət fondlarının vəsaitləri hesabına həyata keçirilən layihələr istisna olmaqla) maliyyələşdirilməsi Azərbaycan Respublikası Rəqəmsal İnkişaf və Nəqliyyat Nazirliyinin rəyi (Azərbaycan Respublikasının Maliyyə Nazirliyi ilə razılaşdırmaqla) əsasında təmin edilir.

Nazirlər Kabinetinə dövlət orqanları (qurumları) tərəfindən tətbiq olunan rəqəmsal həllərin sahə üzrə effektivliyinin test rejimində qiymətləndirilməsi, habelə dövlət orqanları (qurumları) tərəfindən təşkil olunan elektron xidmətlərin ilkin mərhələdə məqsədəuyğunluğunun müəyyən edilməsi üçün tənzimləyici pilot layihələrin həyata keçirilməsi ilə bağlı təkliflərini doqquz ay müddətində hazırlayıb Azərbaycan Respublikasının Prezidentinə təqdim etmək tapşırılıb.

NK, həmçinin, konsepsiyanın həyata keçirilməsi ilə bağlı görülən işlər, o cümlədən konsepsiyada nəzərdə tutulmuş tədbirlərin icrası barədə ildə bir dəfə Azərbaycan Respublikasının Prezidentinə məlumat təqdim etməli, dövlət orqanları (qurumları) tərəfindən (ali kateqoriya dövlət orqanları, habelə mühafizə olunan şəxslərin, qorunan və strateji obyektlərin təhlükəsizliyini təmin edən dövlət orqanları, kəşfiyyat və əks-kəşfiyyat fəaliyyətinin subyektləri, eləcə də Müşahidə Şurası Azərbaycan Respublikasının Prezidenti tərəfindən formalaşdırılan dövlət müəssisələri istisna olmaqla) illik planın icrasına nəzarəti həyata keçirməlidir.

Rəqəmsal inkişaf və elektron hökumətlə bağlı görülən işlərin və həyata keçirilən tədbirlərin icrasına məsul vəzifəli şəxslərin (ali kateqoriya dövlət orqanları, habelə mühafizə olunan şəxslərin, qorunan və strateji obyektlərin təhlükəsizliyini təmin edən dövlət orqanları, kəşfiyyat və əks-kəşfiyyat fəaliyyətinin subyektləri istisna olmaqla) fəaliyyətinin qiymətləndirilməsi meyarlarını beş ay müddətində müəyyən edib Azərbaycan Respublikasının Prezidentinə məlumat vermək, ölkə səviyyəsində informasiya infrastrukturunun rəqəmsallaşma səviyyəsinin diaqnostikasının həyata keçirilməsi qaydalarını, o cümlədən meyarlarını beş ay müddətində müəyyən edib Azərbaycan Respublikasının Prezidentinə məlumat vermək və bu fərmandan irəli gələn digər məsələlərin həlli də NK-ya həvalə olunub.

Azərbaycan Respublikasının Rəqəmsal İnkişaf və Nəqliyyat Nazirliyi əldə etdiyi rüblük statistik məlumatların, fərdi məlumatların mühafizəsi ilə bağlı tələblər nəzərə alınmaqla, hər rübdən sonrakı ayın 20-dək Azərbaycan Respublikasının Dövlət Statistika Komitəsinə və Azərbaycan Respublikasının İqtisadiyyat Nazirliyinə təqdim olunmasını təmin etməli, Azərbaycan Respublikası Prezidentinin və Azərbaycan Respublikası Nazirlər Kabinetinin normativ hüquqi aktlarında nəzərdə tutulan hallarda data əsaslı qərarların qəbul edilməsi və süni intellekt həllərinin tətbiqi istiqamətində aidiyyəti dövlət orqanları (qurumları) ilə qarşılıqlı əlaqədə tədbirlər görməli, konsepsiyanın həyata keçirilməsi ilə bağlı görülən işlər, o cümlədən rəqəmsallaşdırmanın əlaqələndirilməsi istiqamətində həyata keçirilən tədbirlər barədə rübdə bir dəfə Azərbaycan Respublikasının Nazirlər Kabinetinə məlumat təqdim etməlidir.

Aşağıdakılar isə dövlət orqanlarına (qurumlarına) tapşırılır, Azərbaycan Respublikasının Mərkəzi Bankına isə tövsiyə edilir:

- konsepsiyadan irəli gələn vəzifələrin icrası ilə bağlı görülən işlər barədə rübdə bir dəfə Azərbaycan Respublikasının Rəqəmsal İnkişaf və Nəqliyyat Nazirliyinə məlumat təqdim etsinlər;

- elektron xidmətlərdən istifadə ilə bağlı rüblük statistik məlumatların hər rübdən sonrakı ayın 10-dək Azərbaycan Respublikasının Rəqəmsal İnkişaf və Nəqliyyat Nazirliyinə təqdim olunmasını təmin etsinlər;

- ali kateqoriya dövlət orqanları, habelə mühafizə olunan şəxslərin, qorunan və strateji obyektlərin təhlükəsizliyini təmin edən dövlət orqanları, kəşfiyyat və əks-kəşfiyyat fəaliyyətinin subyektləri istisna olmaqla, digər dövlət informasiya sistemlərinin və ehtiyatlarının formalaşdırılması və təkmilləşdirilməsi, eləcə də elektron xidmətlərin təşkili və təkmilləşdirilməsi üzrə layihələrin icrasına dair illik planın hazırlanmasını, Azərbaycan Respublikası Rəqəmsal İnkişaf və Nəqliyyat Nazirliyinin texniki və səmərəlilik baxımından məqsədəuyğunluq barədə rəyi alınmaqla təsdiq olunmasını və yenilənməsini təmin etsinlər;

- informasiya təhlükəsizliyinin gücləndirilməsi məqsədilə son istifadəçi kompüterlərini Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti tərəfindən qurulmuş, mərkəzləşdirilmiş antivirus mühafizə vasitəsi ilə, habelə Azərbaycan Respublikasının Rəqəmsal İnkişaf və Nəqliyyat Nazirliyi tərəfindən təqdim olunan lisenziyalı əməliyyat sistemləri və ofis proqramları ilə təmin etsinlər.

Azərbaycan Respublikasında Rəqəmsal İnkişaf Konsepsiyası ilə bu linkdən tanış olmaq mümkündür.скачать dle 11.3




Şahidi olduğunuz hadisələri çəkib bizə göndərin!




            411 16.01.25 15:38