"Statcounter" analitikləri brauzerlərin istifadəsi ilə bağlı noyabr məlumatlarını dərc ediblər.
Median.Az bu barədə Gazeta.ru-ya istinadən məlumat verir.
Statistikaya görə, "Google Chrome" liderliyi davam etdirir və payını rekord həddə - 66.31%-ə qədər artırıb. Bu, oktyabr ayı ilə müqayisədə 1.09%, ötən illə müqayisədə isə 4.25% çoxdur.
İkinci yerdə "Microsoft Edge" qərarlaşıb, onun payı 0.69% azalaraq 12.87%-ə düşüb. İllik artım 11.23% olsa da, "Edge" "Chrome" ilə rəqabətdə çətinlik çəkir ki, bu da qismən "Windows" istifadəçiləri üçün brauzerin aqressiv şəkildə təbliğ edilməsinin yaratdığı narazılıqla bağlıdır.
Üçüncü yerdə 9.13% payla "Safari" qərarlaşıb və onun payı 0.07% artıb. "Firefox" 6.45% (+0.06%) göstərici ilə dördüncü yerdəki mövqeyini qoruyur, ilk beşliyi isə 2.81% (-0.39%) payla "Opera" tamamlayır.
Şahidi olduğunuz hadisələri çəkib bizə göndərin!
Son Əlavə