Kobaxidze onları HƏDƏLƏDİ
"Gürcüstan parlamentinin binası yaxınlığında müxalifətin etiraz aksiyalarının təşkilatçıları cəzalandırılacaq".
Median.Az musavat.com-a istinadən bildirir ki, bunu baş nazir İrakli Kobaxidze deyib.
"Tiflisdə keçirilən etiraz aksiyalarının arxasında Gürcüstanın müxalifət partiyalarının, eləcə də qeyri-hökumət təşkilatlarının (QHT) nümayəndələri dayanır. Bu zorakılığı təşkil edən, lakin öz kabinetlərində gizlənən siyasətçilər məsuliyyətdən yaxa qurtara bilməyəcəklər", - Kobaxidze bildirib.
Baş nazir iddia edir ki, etirazçıları gözyaşardıcı qazdan qorumaq üçün gözlüklə təmin edən və onlara pirotexniki vasitələr alan QHT olub.
Qeyd edək ki, Gürcüstan Daxili İşlər Nazirliyi ötən gecə keçirilən mitinqlərdə 34 müxalifətçinin saxlandığını bildirib. Bundan başqa, 36 nəfər cərimələnib. Səhər saatlarında məlum olub ki, Gürcüstan xüsusi təyinatlıları Tbilisi Dövlət Universitetinin yaxınlığında müxalifətin etiraz aksiyasını dağıdıblar.
Median.Az musavat.com-a istinadən bildirir ki, bunu baş nazir İrakli Kobaxidze deyib.
"Tiflisdə keçirilən etiraz aksiyalarının arxasında Gürcüstanın müxalifət partiyalarının, eləcə də qeyri-hökumət təşkilatlarının (QHT) nümayəndələri dayanır. Bu zorakılığı təşkil edən, lakin öz kabinetlərində gizlənən siyasətçilər məsuliyyətdən yaxa qurtara bilməyəcəklər", - Kobaxidze bildirib.
Baş nazir iddia edir ki, etirazçıları gözyaşardıcı qazdan qorumaq üçün gözlüklə təmin edən və onlara pirotexniki vasitələr alan QHT olub.
Qeyd edək ki, Gürcüstan Daxili İşlər Nazirliyi ötən gecə keçirilən mitinqlərdə 34 müxalifətçinin saxlandığını bildirib. Bundan başqa, 36 nəfər cərimələnib. Səhər saatlarında məlum olub ki, Gürcüstan xüsusi təyinatlıları Tbilisi Dövlət Universitetinin yaxınlığında müxalifətin etiraz aksiyasını dağıdıblar.
