Dünyanın ən çox istifadə edilən mesajlaşma proqramlarından biri olan "WhatsApp" yeni yeniləmələri ilə gündəmdədir.
Median.Az Türkiyə mətbuatına istinadən xəbər verir ki, "Instagram"dan ilhamlanan "WhatsApp" özündə bəzi yenilikləri istifadəçilərinə təqdim edəcək.
Əldə olunan məlumata görə, yeniliklər hazırda sınaq mərhələsindədir.
"Whatsapp"ın yeni özəllikləri bunlardır:
1- Musiqi əlavə etmək.
Hazırda sınaq mərhələsində olan ən maraqlı yeniliklərdən biri statusa musiqi əlavə etməkdir.
İstifadəçilər Instagram hekayələri kimi statuslarına musiqi əlavə edə biləcəklər. Bu funksiya dostlara və ailə üzvlərinə yazılarında emosiyanı daha yaxşı hiss etməyə imkan verəcək.
2- Özəlləşdirilmiş "smile"
Əlavə ediləcək digər xüsusiyyət isə istifadəçilərə ən çox istifadə etdikləri "smile"lara tez daxil olmaq imkanı verən "fərdi smile” funksiyasıdır.
Bu, istifadəçilərə status yeniləmələri edərkən və ya mesajlara cavab verərkən "smile"lardan daha rahat istifadə etməyə imkan verəcək.
3- "Web"də axtar funksiyası
Davamlı olaraq foto paylaşan istifadəçilər üçün WhatsApp "Web axtarışı" seçimini təklif edir ki, bu da "Google Lens" vasitəsilə birbaşa söhbət ekranından fotoşəkilləri axtarmağa imkan verir.
Bu funksiya istifadəçilərə şəkillərdəki obyektləri və ya simvolları tez bir zamanda müəyyən etməyə imkan verir.
4- Sorğu anketi
WhatsApp status yeniləmələrinə interaktivlik əlavə etmək üçün yeni məzmun teqləri təqdim edir. Bunlardan biri hələ də beta testində olan "sorğu” anketidir.
Bu funksiya sayəsində istifadəçilər statuslarına çox seçimli sorğular əlavə edə və bu sorğular vasitəsilə qarşılıqlı əlaqədə ola biləcəklər. Əvvəllər "WhatsApp” söhbətlərində istifadə edilən sorğular bu funksiya sayəsində status yeniləmələrində də istifadə edilə bilər.
5- "Seçiminizi əlavə edin" funksiyası
Gözlənilən digər xüsusiyyət isə Instagram-da "Add Yours” etiketinə bənzər bir funksiyadır. Keçən il Instagram-da təqdim edilən bu teq istifadəçilərə sorğuya cavablarını əlavə etməyə imkan verir.
WhatsApp-da cavablar yalnız orijinal paylaşıcıya və seçilmiş kontaktlara görünəcək, beləliklə, qarşılıqlı əlaqə gizli və şifrəli olacaq.
//azxeber.com
Şahidi olduğunuz hadisələri çəkib bizə göndərin!
Son Əlavə