Pavel Durovun həbsi Fransaya böyük maliyyə itkisi hesabına başa gəlib

"Telegram"ın qurucusu Pavel Durovun həbsi ilə əlaqədar Fransa hökuməti xeyli maliyyə itkisi ilə üzləşib.

Median.Az xarici KİV-ə istinadən xəbər verir ki, bu açıqlama ilə almaniyalı iş adamı və ictimai fəal Kim Dotkom çıxış edib.

Onun sözlərinə görə, Birləşmiş Ərəb Əmirlikləri Pavel Durovun həbsindən qəzəbləndiyini bildirərək, 80 ədəd "Rafale" qırıcısının alınması ilə bağlı 17 milyard dollarlıq müqaviləni dondurub.

K.Dotkom xatırladıb ki, Pavel Durov BƏƏ vətəndaşıdır və baş nazirin müavini Həmdan Əl-Maktumun yaxın dostudur.