"İndi Qaxdakı evimdəyəm. Burada bir evim var, qonaqlı-qaralı olur. Qapım hamının üzünə açıqdır. Tez-tez tələbələrim, məni sevənlər ziyarətimə gəlirlər, qonağım olurlar, buyurun, siz də gəlin"

Bu sözləri Lent.az-a verdiyi açıqlamada xanəndə, Xalq artisti Arif Babayev deyib.

"Səhhətim yaxşıdır. Gümrah olmasam da, şükür Allaha, nəfəsim gedib-gəlir. Yeriməkdə çətinlik çəkirəm, bəzən xəstələnəndə danışmaqda da çətinlik olur. Amma yaşlılıqdır, bu da Tanrının verdiyi bir nemətdir. Hərdən jurnalistlər xətrimə dəyirlər, haqqımda "ağır xəstədir", "öldü" kimi xəbərləri yayırlar, inciyirəm. Mən xalqımı, xalqım da məni sevir. Belə şeylərə nə ehtiyac var? Tələbələrim, həmkarlarım, mədəniyyət xadimləri diqqətdə saxlayırlar məni, tez-tez soruşur, gəlib gedirlər, könlüm açılır. Yay bitsin Bakıya qayıdacağam",- deyə o bildirib.скачать dle 11.3