Müğənni Pünhan Piriyevin 2 min qonağın iştirak etdiyi toy mərasimində qalmaqal yaşanıb.

Mübahisə müğənni Eldəniz Məmmədovla tamada Pünhan İsmayılov arasında baş verib.

Mərasim zamanı Eldəniz Məmmədov mahnı ifa etdiyi vaxt bəyin nənəsi söz istəyib. Müğənni ifasını dayandıraraq mikrofonu bəyin nənəsinə uzadıb.

Bu hərəkət Pünhan İsmayılovu narazı salıb və nəticədə onunla Eldəniz Məmmədov arasında mübahisə yaranıb. Vəziyyətin gərginləşdiyini görən bəy tərəfləri sakitləşdirməyə çalışıb.

Daha sonra Pünhan Piriyev nənəsinin adından istifadə edərək Eldəniz Məmmədova müraciət edib:

“Eldəniz müəllim, nənəm səni çağırır”.

Bununla o, müğənnidən mübahisəyə son qoymasını istəyib.

Qaynarinfo məsələ ilə bağlı Eldəniz Məmmədovun münasibətini öyrənib.

Müğənni açıqlamasında Pünhan İsmayılovla 35 illik dost olduğunu bildirib:

“Pünhan Piriyevin nənəsi söz istədi, mən də verdim. Böyükdür, hər zaman onları eşitmək bizim borcumuzdur. Pünhan müəllimlə ailə dostuyuq. Bunlar da bir himə bəndirlər. Heç bir mübahisədən söhbət gedə bilməz”.

Pünhan İsmayılov da Eldəniz Məmmədovla 35 illik dostluqlarının olduğunu vurğulayıb:

“Bizim onunla aramızda heç vaxt mübahisə düşə bilməz”.
//qaynar.azскачать dle 11.3