Ermənistan Təhlükəsizlik Şurasının katibi Alen Simonyan Türkiyə-Ermənistan sərhədlərinin açılması prosesinin dayandırılması ilə bağlı iddialara münasibət bildirib.


Jurnalistlərə açıqlama verən A.Simonyan prosesin dondurulmadığını, sadəcə müəyyən dərəcədə ləngidiyini diqqətə çatdırıb:


"Ermənistanın Türkiyə ilə sərhədi açıqdır. Proses dayanmayıb, yavaşlayıb. Mən bunu daha çox Ermənistanla Azərbaycan arasındakı proseslərin sonu və yaxın gələcək üçün mütləq problem olan dönməzlik nöqtəsinin keçməsi ilə əlaqələndirirəm. Mən həm sülh baxımından çoxdan keçdiyimiz dönməzlik nöqtəsini, həm də sərhədlərin açılması məsələsini nəzərdə tuturam. Bu məsələnin həll olunmayacağını və ya daha da gecikəcəyini düşünməyim üçün heç bir ilkin şərt yoxdur".


Təhlükəsizlik Şurasının katibi rəsmi Ankara tərəfindən də analoji addımların atıldığını xüsusi vurğulayıb. Onun sözlərinə görə, Türkiyə tərəfi infrastrukturun bərpası istiqamətində müvafiq işlər aparır:


"Bizim görüşlərimiz keçirilir, iş adamlarımız ora gedirlər. Bu, müsbət istiqamətdə irəliləyən bir prosesdir".


Xatırladaq ki, Türkiyə Prezidenti Rəcəb Tayyib Ərdoğan Nyu-Yorkda BMT Baş Assambleyasının 81-ci sessiyasındakı çıxışı zamanı Ankara və İrəvan arasında ikitərəfli münasibətlərin normallaşması istiqamətində mühüm irəliləyişlərin əldə olunduğunu bildirib.
//sfera.azскачать dle 11.3