Dənizkənarı yerləşən xidmət obyektləri çimərlik mövsümünə hazırlaşır. Artıq əksər restoran və iaşə obyektləri çimərlik mövsümünə tam hazır vəziyyətə gətirilib. Stol-stul dəstləri düzülüb, abadlıq işləri yekunlaşıb.
Dənizkənarı obyektlərdən birinin administratoru İbrahim Novruzov bildirib ki, obyekt ərazisindən insanların daxil olaraq dənizdə çimməsinə heç bir məhdudiyyət tətbiq etmirlər.
Xidmət qiymətləri isə növünə görə dəyişir. Məsələn, stol-stul dəsti, üzərinin kölgəliyi ilə birlikdə adam sayına görə 10-30 manata veriləcək. Ötən illə müqayisədə bu il yemək qiymətlərində də ciddi dəyişiklik gözlənilmir.
İstirahətə gələnlərin özləri ilə qida gətirmələrinə gəldikdə isə, bildirildi ki, bəzi qida məhsulları ilə restoran ərazisinə daxil olmaq qadağandır.
Qeyd edək ki, Azərbaycanda çimərlik mövsümü rəsmi olaraq iyun ayının 15-də açılır. Qaydalara əsasən, dənizdə icazə verilən bütün hissələrdə insanların çimərlikdən istifadə etməsinə pulsuz şərait yaradılmalıdır.
Ətraflı "Xəzər Xəbər"in süjetində:
Şahidi olduğunuz hadisələri çəkib bizə göndərin!
Son Əlavə