Müdafiə Nazirliyinin tabeliyindəki "N" saylı hərbi hissənin sabiq tabor komandiri Elnur Əliyev həbs edilib.
"Qafqazinfo"nun məlumatına görə, hökmü Bakı Hərbi Məhkəməsinin hakimi Rafiq Abbasovun sədrlik etdiyi məhkəmə heyəti çıxarıb.
Elnur Əliyev rüşvət almaqda təqsirli bilinərək 5 il müddətinə azadlıqdan məhrum edilib. E.Əliyev məhkəmə zalında həbs edilib.
Ona Cinayət Məcəlləsinin 311.2-ci (vəzifəli şəxs tərəfindən qanunsuz hərəkətlərə görə rüşvət alma) maddəsindən əlavə, eyni məcəllənin 179.1-ci (mənimsəmə və ya israf etmə) maddəsi ilə də ittiham verilmişdi. Məhkəmə həmin maddəni ittihamdan xaric edib.
Qeyd edək ki, E.Əliyev cinayət məsuliyyətinə cəlb edilənə kimi tabor komandiri işləyib. O, ibtidai və məhkəmə istintaqı dövründə azadlıqda olub.
Şahidi olduğunuz hadisələri çəkib bizə göndərin!
Son Əlavə