Son günlər koronavirus infeksiyasına yoluxma dinamikasında müşahidə olunan kiçik artımlar bir müddət sonra çoxalsa, yenidən qapadılmalara gedilə biləmi?

Milli.Az xəbər verir ki, mövzu ilə bağlı sonxeber.az-a açıqlama verən deputat Razi Nurullayev bildirib ki, yoluxma sayı artmağa davam etsə, bundan sonra açıla biləcək bağlı sektorlar da açılmayacaq:

"Mələsən, bu günə qədər teatr, hamam, kino, uşaq əyləncə mərkəzləri və s. açılmayıb. Əgər yoluxma dinamikası artan xətt üzrə getsə, həmin mərkəzlərin də açılması mümkün olmayacaq. Hətta hazırda açıq olan yerlərin də qapadılması məsələsi gündəmə gələcək. Yoluxma sayında artım olsa və ya koronavirus infeksiyasının yeni ştammına yoluxmalar müşahidə olunsa, bu, hazırda fəaliyyət göstərən sahələrin də qapadılmasına səbəb ola bilər. Bunun da qarşısını almağın tək yolu bütün dünyada qəbul olunan vaksinasiyadır. Vətəndaşlarımıza vaksin vurdurmağı tövsiyyə edirəm. Vaksinasiya olunan şəxslərdə xəstəliyə yoluxma faizi aşağıdır. Ən vacibi isə ondan ibarətdir ki, vaksin 60 faizdən 97 faizə qədər ölüm riskini azaldır və 70-80 faiz yoluxmanın qarşısını alır. Onun üçün də insanlar özlərinin və yaxınlarının həyatını qorumaq üçün mütləq vaksin olunmalıdırlar. Vaksinasiya prosesi indiki templə getsə, Azərbaycanda infeksiyaya çox sürətli yoluxma qeydə alınmayacaq. Bu da o deməkdir ki, biz normal həyat tərzi sürəcəyik. Vaksinləşmə prosesində ləngimə olsa və yoluxma sayı 400-500-ə çatsa, yenidən qapanma gündəmə gələcək".скачать dle 11.3