Bakının Sabunçu rayonunda xəsarətlə nəticələnən avtomobil qəzaları baş verib.
Oxu.Az xəbər verir ki, ilk hadisə Zabrat qəsəbəsində qeydə alınıb.
Belə ki, qəsəbə ərazisində iki minik avtomobilinin toqquşması zamanı beş nəfər - 1965-ci il təvəllüdlü Əliyev Hüseyn Əzizağa oğlu, 1962-ci il təvəllüdlü Masayev Məhəmmədəli Tofiq oğlu, 1986-cı il təvəllüdlü Rüstəmzadə Murad Əlibala oğlu, qardaşı, 1980-ci il təvəllüdlü Rüstəmzadə Valeh Əlibala oğlu və 24 yaşlı Qafarov Rafael Yaşar oğlu xəsarət alıblar.
Yaralılar 3 saylı şəhər xəstəxanasına aparılıb. V.Rüstəmzadəyə müştərək travma diaqnozu qoyulub və reanimasiya şöbəsinə yerləşdirilib.
Vəziyyəti orta-ağır qiymətləndirilir.
Digər qəza da Zabrat qəsəbəsində qeydə alınıb. İki minik avtomobilinin toqquşması zamanı 1992-ci il təvəllüdlü Qasımzadə Ülviyyə Rasim qızı ağır xəsarət alıb. Yaralı xəstəxanaya yerləşdirilib.
Hadisənin təfərrüatı araşdırılır.
Şahidi olduğunuz hadisələri çəkib bizə göndərin!
Son Əlavə