Nazir müavini: Burada öhdəlik yalnız səhiyyənin üzərinə düşmür

Azərbaycanda ciddi şəkildə qeyri-infeksion xəstəliklərlə mübarizə aparılmalıdır.

Bu barədə Səhiyyə nazirinin müavini Rahim Əliyev jurnalistlərə açıqlamasında deyib.

Onun sözlərinə görə, inkişaf etmiş ölkələrdə bu göstərici heç 30 faizə çatmır, təxminən 26 faizdir:

“Qeyri-infeksion xəstəliklərdə ölüm göstəricisi dünya üzrə 70 yaşa qədər əhali arasında 44 faiz təşkil edir. Qeyri-infeksion xəstəliklərin yükü istər xəstələnmə, istər ölüm göstəricisinə, istərsə də əlilliyə görə digər yoluxucu xəstəliklərlə müqyisədə yüksəkdir.

Dünya üzrə əhalinin yaşlanma göstəricisi artmaqdadır. Bu, yoluxucu xəstəliklərlə mübarizənin nəticəsidir. Buna baxmayaraq, qeyri-infeksion xəstəliklərin yükü artır. Hazırda bu xəstəliklərə diqqət artıb”.

Nazir müavini onu da əlavə edib ki, Azərbaycanda ciddi şəkildə qeyri-infeksion xəstəliklərlə mübarizə aparılmalıdır:

“Burada öhdəlik yalnız səhiyyənin üzərinə düşmür. Bu istiqamətdə qurumlar birgə mübarizə aparmalıdır. Fiziki aktiv həyatın təbliği, maarifləndirmə, tütündən istifadənin azaldıması isə başlıca istiqmətlərdən biri olmaldır”.
/oxu.az/скачать dle 11.3

Şahidi olduğunuz hadisələri çəkib bizə göndərin!