Median.Az xəbər verir ki, DİN “102 – Zəng Mərkəzi” xidmətinə yanvarın 19-da Zığ qəsəbəsi ərazisində baş vermiş quldurluq faktı barədə müraciət daxil olub.
Suraxanı RPİ 33-cü polis bölməsinin əməkdaşları tərəfindən aparılan araşdırma ilə, evlərin birinə pəncərənin şüşəsini sındırmaq yolu ilə girmiş şəxsin, oradan 20 manat pul və gümüş əşyalar götürdükdən sonra ev sahibinin qol nahiyəsinə bıçaqla xəsarət yetirib, hadisə yerindən qaçması məlum olub.
Keçirilmiş əməliyyat-axtarış tədbirləri nəticəsində Salyan rayon sakini, əvvəllər məhkum olunmuş N.Mustafazadə saxlanılıb.
Bundan əlavə, onun 2 evdən televizor və kompyuter oğurlaması müyyən edilib.
Suraxanı RPİ İstintaq şöbəsində CM-nin 181-ci (quldurluq) maddəsi ilə cinayət işi başlanılıb.
Şahidi olduğunuz hadisələri çəkib bizə göndərin!
Son Əlavə