Median.Az xəbər verir ki, Səbail rayonunun Xanlar küçəsində, oyun zalından 2 ədəd televizor, 6 ədəd oyun aparatı və 22 ədəd pultun oğurlanması barədə 8-ci polis bölməsinə müraciət daxil olub. Polis əməkdaşlarının keçirdikləri əməliyyat-axtarış tədbirləri nəticəsində Bakı şəhər sakinləri Kamil Muradov, Kənan Nəcəfov, İbrahim Novruzov və Oktay Əliyev saxlanılıblar.
Bundan başqa, Nəsimi RPİ-nin 19-cu polis şöbəsinin əməkdaşları Tovuz rayon sakini, əvvəllər məhkum olunan Nurlan Məmmədəliyevİ saxlayıblar. Məlum olub ki, o Cavadxan küçəsində işlədiyi internet klubun kassasından 1200 manat oğurlayıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə