Median.Az xəbər verir ki, Qaradağ RPİ 10-cu polis bölməsinin əməkdaşları keçirdikləri əməliyyat-axtarış tədbirləri nəticəsində, Bakı şəhər sakini N.Əliyevanın hesabından, N.Mirzəyevin cibindən və iki evdən pul, bir həyətdən 62 ev quşu, üç avtomobildən akkumulyator, bir kafedən paltartikən və ətçəkən maşın oğurlayan Bakı şəhər sakini, əvvəllər məhkum olunmuş Pənah Allahverdiyevi saxlayıblar.
Bundan başqa, Qaradağ RPİ 10-cu polis bölməsinin əməkdaşları avqustun 1-də Lökbatan qəsəbəsində vətəndaş Ü.Şahvələdovun “Nissan” markalı avtomobilindən mobil telefon oğurlayan Bakı şəhər sakini Ruslan Əhmədov saxlanılıb, Binəqədi RPİ 7-ci polis bölməsinin əməkdaşları əməliyyat-axtarış tədbirləri nəticəsində, iyulun 28-də Bakı şəhər sakini A.Bayramovun cibindən 1800 manat oğurlayan paytaxt sakini Elmar Qurbanzadəni saxlayıblar, Nərimanov RPİ 16-cı polis bölməsinin əməkdaşları tərəfindən sinema klubdan 372 manat və üç ədəd mobil telefon oğurlayan Şəmkir rayon sakini Sərdar Pənahov saxlanılıb, Sumqayıt ŞPİ-nin əməkdaşları keçirdikləri əməliyyat tədbirləri nəticəsində F.İmanovanın həyətindən
2 ədəd velosiped oğurlayan Corat qəsəbə sakini, əvvəllər məhkum olunmuş İlham Şərifovu saxlayıblar, Abşeron RPİ-nin əməkdaşları əməliyyat-axtarış tədbirləri nəticəsində, avqustun 2-də P.Abbasovun “Olinq” markalı avtomobilindən 765 manat pul və sənəd oğurlayan Novxanı qəsəbə sakini Rüstəm Səlimovu saxlayıblar, Balakən RPŞ əməkdaşlarının əməliyyat tədbirləri nəticəsində, avqustun 1-də rayon ərazisindəki evlərin birindən 15.000 manat dəyərində qızıl əşyaları oğurlayan Zaqatala rayon sakini, əvvəllər məhkum olunmuş Füzuli Bürcalıyev saxlanılıb. Onun daha iki evdən ümumilikdə 800 manat və qızıl əşyaları oğurlaması müəyyən edilib. Qəbələ RPŞ-nin əməkdaşları tərəfindən X.Rəhimovun həyətyanı sahəsindən 6 baş inək oğurlayan rayon sakini Emin Rəhimov saxlanılıb, Biləsuvar RPŞ-nin əməkdaşları tərəfindən iyulun 31-də rayon ərazisindəki mağazadan pul və tütün məmulatı oğurlayan şəhər sakini Sənan Həsənzadə saxlanılıb. Onun avqustun 2-də daha bir evdən 586 manat və sənəd oğurlaması məlum olub.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə