Median.Az xəbər verir ki, Nəsimi RPİ-nin 19-cu polis şöbəsinə müraciət edən Bakı şəhər sakini Ü.Kərimov, martın 10-da A.Məhərrəmov küçəsindən “Mercedes” markalı avtomobilinin qaçırıldığını bildirib.
Polis əməkdaşlarının keçirdikləri əməliyyat-axtarış tədbirləri nəticəsində avtomobili qaçıran Sumqayıt şəhər sakini, əvvəllər məhkum olunmuş E.Kəlbiyev nəqliyyat vasitəsi ilə birgə Sumqayıt şəhəri ərazisində saxlanılıb.
Bundan başqa, Xətai RPİ-nin 37-ci polis şöbəsinə müraciət edən Bakı şəhər sakini M.Fərhadov izahatında, martın 12-də Mingəçevir küçəsindən “Hyundai” markalı avtomobilinin qaçırıldığını göstərib. Polis əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini olan yeniyetmə Nizami rayonu ərazisində avtomobillə birgə saxlanılıb.
Martın 8-də Xəzər rayonunun Türkan qəsəbəsi ərazisindən qəsəbə sakini R.Quliyevə məxsus “VAZ-2106” markalı avtomobil qaçırılıb.
Xəzər RPİ 1-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş S.Bayramov saxlanılıb.
Martın 1-i səhər saat 4 radələrində Pirallahı rayonunun C.Cabbarlı küçəsindən, S.Əliyevin “VAZ-2106” markalı avtomobili qaçırılıb.
Pirallahı RPŞ əməkdaşlarının keçirdikləri əməliyyat-axtarı tədbirləri nəticəsində qaçıran Binə qəsəbə sakini, əvvəllər məhkum olunmuş A.Rzayev saxlanılıb.
Faktlarla bağlı araşdırmalar aparılır.
Şahidi olduğunuz hadisələri çəkib bizə göndərin!
Son Əlavə