Yas mərasimlərində iştirak etmək adı altında qanunsuz olaraq, “8103” qısa nömrəsi vasitəsilə icazələr alıb, epidemiya əleyhinə rejimin tələblərini pozan şəxslərin müəyyən edilməsi istiqamətində polis əməkdaşları tərəfindən tədbirlər davam etdirilir.
Daxili İşlər Nazirliyinin Mətbuat Xidmətindən verilən məlumata görə, aprelin 14-ü və 15-i tarixləri arasında Bakı və respublikanın ayrı-ayrı rayonlarında bu üsuldan istifadə edərək, karantin qaydalarını pozan 115 nəfərin şəxsiyyəti müəyyən edilib.
Həmin şəxslər polis idarə, şöbə və bölmələrinə gətirilərək, izahatları alınıb. Bu cür sui-istifadə hallarına yol verənlər barəsində İnzibati Xətalar Məcəlləsinin 211-ci maddəsi ilə müvafiq tədbirlər görülüb və hər biri 100 manat məbləğində cərimə edilib.
Bir nəfər barəsində isə inzibati qaydada məhkəmənin qərarı ilə həbs qərarı çıxarılıb.
Şahidi olduğunuz hadisələri çəkib bizə göndərin!
Son Əlavə