Fransanın "Lion" klubunun argentinalı müdafiəçisi Nikolas Talyafiko həmyerlisi, Amerikanın "İnter Mayami" komandasının hücumçusu Lionel Messinin 2026-cı ilin dünya çempionatında oynaması üçün nələrin baş verməsinin lazım olduğunu deyib.
Onun sözlərini "Inter Miami News Hub" “X” sosial şəbəkəsində sitat gətirib.
"Biz Amerika Kuboku-2024-ü qazanmalıyıq. Komandamız Qətərdə çempion olmasaydı, o, milli karyerasını bitirərdi. Amma biz bunu bacardıq və indi Messi öz zəfərini yaşayır. Amerika Kubokunu da qazansaq, o, davam etmək istəyəcək" - futbolçu bildirib.
Messi iki il Fransa PSJ-sində oynadıqdan sonra 2023-cü ilin yayında azad agent kimi “İnter Mayami”yə keçib və tezliklə kapitan sarğısını alıb. Argentinalı avqustun 20-də Amerikada ilk titulunu - Liqa Kubokunu qazanıb. “İnter Mayami”də keçirdiyi 14 oyundan sonra onun hesabında 11 qol və 5 məhsuldar ötürmə var.
Şahidi olduğunuz hadisələri çəkib bizə göndərin!
Son Əlavə