Keçmiş Kanadalı stüardessa 33 yaşlı Dallas Pokornikin Torontoda yerləşən bir aviaşirkətdə işləyərkən pilotlara və kabin heyətinə verilən biletləri əldə etmək üçün saxta şəxsiyyət vəsiqələrindən istifadə edib. 
 
Median.Az ABŞ hakimiyyəti Pokornikin bu yolla yüzlərlə pulsuz uçuş etdiyi barədə məlumat paylaşıb.
 
O, təyyarələrdə pilot kimi səyahət edib.
 
Dallas Pokornik oktyabr ayında Havaydakı federal məhkəmədə elektron fırıldaqçılıqda ittiham olunub və Panamada həbs edilib. ABŞ-a ekstradisiyasından sonra çərşənbə axşamı hakim qarşısına çıxan Pokornik bütün ittihamları rədd edib. Məhkəmə təqsirləndirilən şəxsin məhkəməyə qədər həbsdə saxlanılması barədə qərar verib.
 
Məhkəmə sənədlərinə görə, Pokornik hətta işdən kənar pilotlar üçün ayrılmış "tullanan oturacaq" üçün də müraciət edib. Lakin qeydlərdə onun həqiqətən bu oturacaqda uçub-uçmadığı barədə dəqiq məlumat yoxdur.
 
Aviaşirkətlərin adları ittihamnamədə açıq şəkildə qeyd olunmasa da, bildirilir ki, baş ofisi Honolulu, Çikaqo və Fort-Uortda (Texas) yerləşən üç ABŞ aviaşirkətləri sənəddə vurğulanır. “Air Canada” da daxil olmaqla, adı çəkilən şirkətlərin heç biri bu məsələ ilə bağlı açıqlama verməyib.
 
ABŞ prokurorları Pokornikin bu təcrübəni təxminən dörd il davam etdirdiyini açıqlayıblar. Təqsirləndirilən şəxsin vəkili mətbuata şərh verməkdən imtina edib.
 
Qeyd edək ki, itihamnamədəki detallar Leonardo DiKaprionun rol aldığı və saxta pilot şəxsiyyətindən istifadə edərək aviaşirkətləri aldadan Frank Abagnale haqqında "Catch Me If You Can" filmini xatırladır.скачать dle 11.3