HƏMAS təşkilatı Qəzza zolağında İsraillə ikitərəfli atəşkəsin elan olunduğunu bəyan edib.
“Misirin səyləri ilə işğalçı qüvvələr və müqavimət fraksiyaları arasında atəşkəs elan olunub”, - hərəkatın rəsmçi nümayəndəsi Fauzi Barhum bildirib.
Qeyd edək ki, bundan əvvəl, martın 25-də Qəzza zolağından atılan raket evlərdən birinə düşüb.
Hadisə nəticəsində yeddi nəfər, o cümlədən bir azyaşlı müxtəlif dərəcəli xəsarətlər alıb.
Buna cavab olaraq, İsrail Qəzza zolağını bombalamağa başlayıb. İsrail ordusu bir neçə saat ərzində anklavın ərazisinə zərbələr endirib. Həmçinin HƏMAS ofisi bombardmana məruz qalıb.
Xatırladaq ki, bundan əvvəl ABŞ prezidenti Donald Tramp İsrailin Qolan təpələri üzərində suverenliyini tanınmasına dair sənəd imzalayıb.
Şahidi olduğunuz hadisələri çəkib bizə göndərin!
Son Əlavə