Kolumbiya və Çili İsraildən səfirlərini geri çağırıb

Kolumbiya Prezidenti Qustavo Petro sosial şəbəkədə respublikanın İsraildəki səfirini məsləhətləşmələr üçün geri çağırmaq qərarına gəldiyini açıqlayıb.

Çili Prezidenti Qabriel Boriç ölkə hökumətinin də analoji qərar qəbul etdiyini deyib.

“Mən İsraildəki səfirimizi məsləhətləşmələr üçün geri çağırmaq qərarına gəldim. Əgər İsrail Fələstin xalqının qətliamını dayandırmasa, biz orada ola bilməyəcəyik”, – Petro yazıb.

“İsrailin Qəzza zolağında törətdiyi beynəlxalq humanitar hüququn qəbuledilməz pozuntularına görə Çili hökuməti olaraq Çilinin İsraildəki səfiri Xorxe Karvaxalı məsləhətləşmələr üçün Santyaqoya geri çağırmaq qərarına gəldik”, – Boriç bildirib.