Daha 15 dövlət müəssisəsi özəlləşdirilib » Median.Az - Bütün xəbərlər bir ünvanda
12:46 Şəkidə sərxoş kişinin siqareti evini külə döndərdi  |     12:22 Ətin qiymətindəki artımın səbəbi nədir? - VİDEO  |     12:20 Sabirabadda müəmmalı ÖLÜM: İntihar edən qadının əri özünü zəhərlədi  |     12:19 Bakı bulvarında dənizə yıxılan qadın xilas edildi - VİDEO  |     12:14 Azərbaycanın İrandakı səfirliyi fəaliyyətini bərpa etdi  |     11:54 Polis məmuru atəş açan şəxsi Trampa sui-qəsd cəhdindən bir neçə dəqiqə əvvəl görüb  |     11:51 Azərbaycanda benzin ucuzlaşdı - QİYMƏT  |     11:48 Sumqayıtda 21 yaşlı gənc dənizdə batdı  |     11:38 Ermənistanda baş verən zəlzələ Azərbaycanda da hiss olunub  |     22:33 Belə qarpızları almayın! - Zəhərli qarpızı necə ayırd edək?  |     22:26 ADY tələbləri pozduğu üçün bu qədər cərimələndi - ŞOK RƏQƏM  |     22:20 İnsanların Marsa ilk səfəri nə qədər davam edəcək?  |     22:13 Dünyada ilk ölkə olacaq: Pilotsuz təyyarələr lazer silahı ilə vurulacaq  |     22:06 Şirin yemiş seçmək üçün MARAQLI ÜSUL  |     21:59 Miqrantlar Rusiyadan bu qanun pozuntularına görə də qovulacaqlar  |     21:51 Hər gün xiyar yemək üçün 7 ƏSAS SƏBƏB  |     21:43 ÜST-dən qorxulu xəbərdarlıq... Kabus geri dönür...  |     21:38 871-ci gün: Rusiya Ukraynanın itkilərini yenilədi  |     21:29 Trampa "Facebook" və "Instagram"dan istifadə etməyə icazə veriləcək  |     21:24 Rusiya Xarkov vilayətini atəşə tutub, ölənlər və yaralananlar var  |    

Daha 15 dövlət müəssisəsi özəlləşdirilib

Əmlak Məsələləri Dövlət Komitəsi tərəfindən növbəti hərrac keçirilib.

Komitədən verilən məlumata görə, özəlləşdirməyə çıxarılan dövlət müəssisələrindən 15-nə ümumilikdə 50 sifariş qəbul edilib. Rəqabətli hərracda iştirak edən vətəndaşlardan 10-u seçdiyi dövlət əmlakı üzrə sifarişi olduğu yerdən elektron formada verib. Budəfəki hərracda kiçik dövlət müəssisəsi, qeyri-yaşayış sahələri və nəqliyyat vasitələri özəlləşdirilib.

Hərracda özəlləşdirilən qeyri-yaşayış sahələri paytaxt rayonlarında yerləşir. Onlar arasında rəqabət yaradan əmlak Bakı şəhəri, Xətai rayonu, General Mehmandarov küçəsindəki binanın qeyri-yaşayış sahəsidir. İlkin qiymət 3 min manat təyin olunmuş dövlət əmlakının ümumi faydalı sahəsi 28.6 kv.m-dir. İştirakçılar arasında rəqabət ilə obyektin qiyməti 3 dəfədən çox yüksələrək 10 min 300 manata özəlləşdirilib. Hərracda öz sahibini tapan digər qeyri-yaşayış sahələri Nəsimi və Binəqədi rayonlarında yerləşir. Paytaxtın Sabunçu rayonu, Bilgəh qəsəbəsi, Azərbaycan qadını küçəsindəki ticarət obyektinin isə ümumi faydalı sahəsi 125.2 kv.m-dir. Adıçəkilən kiçik dövlət müəssisəsi hərracda 14 min manata özəlləşdirilib.

Budəfəki özəlləşdirmə hərracında rəqabət nəqliyyat vasitələri üçün də xarakterikdir. Belə ki, hərracda 10 nəqliyyat vasitəsi üzrə 41 sifariş verilib. Buraxılış ili 2007 olan "Nissan Sunny" markalı avtomobil üçün ilkin qiymət 4 min manat təyin olunub. İştirakçılar arasında mübarizə dövlət əmlakının son hərrac qiymətini 7 min 200 manata yüksəldib. Fəal iştirak şəraitində özəlləşdirilən digər avtomobillərdən biri də "Mercedes Benz" markasına aiddir. Bu nəqliyyat vasitəsinin ilkin hərrac qiyməti 7 min manat olsa da, avtomobil 11 min manat təklif edən şəxs tərəfindən özəlləşdirilib. "Mitsubishi", "Hyundai", "Nissan" və "BMW" markalarından olan digər nəqliyyat vasitələrinin buraxılış tarixləri 2004-2008-ci illərdir. Bu avtomobillər isə əksəriyyəti rəqabət şəraitində olmaqla 4 min 500 manat ilə 11 min 800 manat aralığında təklif olunan qiymətlərə özəlləşdirilib.

Əmlak Məsələləri Dövlət Komitəsi tərəfindən növbəti hərrac 23 aprel tarixində keçiriləcək. Özəlləşdirmə prosesinə ümumilikdə 59 dövlət əmlakı çıxarılıb. Onlardan 43-ü kiçik dövlət müəssisə və obyekti, 14-ü qeyri-yaşayış sahəsi, 2-si isə yarımçıq tikilidir. Hərracda iştirak etmək istəyən şəxslər komitənin rəsmi saytına (emdk.gov.az) və Özəlləşdirmə portalına (privatization.az) daxil ola bilər.//Baku.wsскачать dle 11.3




Şahidi olduğunuz hadisələri çəkib bizə göndərin!




            1 031 16.04.19 22:07