"TikTok"da ipoteka vədi ilə vətəndaşı aldadan maklerə hökm oxundu
"TikTok" sosial şəbəkəsində yerləşdirdiyi mənzil elanları vasitəsilə vətəndaşı aldadaraq pulunu ələ keçirməkdə təqsirləndirilən maklerə hökm oxunub.
Təqsirləndirilən Rəşad Əliyev (şərti) "TikTok" platformasında "@emlak_baku” adlı səhifədə Xırdalan şəhərində yerləşən mənzilin satışı ilə bağlı elan yerləşdirib. Elanla maraqlanan zərərçəkmiş Elvin Məmmədova (şərti) mənzilin ipoteka yolu ilə alınmasına kömək edəcəyini bildirib.
O, zərərçəkmişə 21 min 500 manat ilkin ödəniş qarşılığında bankdan güzəştli şərtlərlə ipoteka krediti təşkil etdirəcəyini vəd edib. Daha sonra müxtəlif ödənişlər adı ilə vətəndaşdan ümumilikdə 21 min 500 manat pul alıb.
Aldanıldığını başa düşən zərərçəkmiş hüquq-mühafizə orqanlarına müraciət edib. Rəşad Əliyev saxlanılıb və ona qarşı Cinayət Məcəlləsinin 178.2.4-cü maddəsi ilə ittiham elan edilib.
Cinayət işinə Xətai Rayon Məhkəməsində baxılıb. Rəşad Əliyev məhkəmə zamanı özünü verilmiş ittiham üzrə təqsirli bilib.
O, məhkəmənin hökmü ilə 3 il müddətinə azadlığın məhdudlaşdırılması cəzasına məhkum edilib. Rəşad Əliyevin şübhəli şəxs qismində saxlanıldığı 2 gün müddət 1 gün 2 gün hesabı ilə təyin edilmiş cəzadan çıxılıb və üzərində qəti olaraq 2 il 11 ay 26 gün azadlığın məhdudlaşdırılması cəzası saxlanılıb.
//qaynar.az
Təqsirləndirilən Rəşad Əliyev (şərti) "TikTok" platformasında "@emlak_baku” adlı səhifədə Xırdalan şəhərində yerləşən mənzilin satışı ilə bağlı elan yerləşdirib. Elanla maraqlanan zərərçəkmiş Elvin Məmmədova (şərti) mənzilin ipoteka yolu ilə alınmasına kömək edəcəyini bildirib.
O, zərərçəkmişə 21 min 500 manat ilkin ödəniş qarşılığında bankdan güzəştli şərtlərlə ipoteka krediti təşkil etdirəcəyini vəd edib. Daha sonra müxtəlif ödənişlər adı ilə vətəndaşdan ümumilikdə 21 min 500 manat pul alıb.
Aldanıldığını başa düşən zərərçəkmiş hüquq-mühafizə orqanlarına müraciət edib. Rəşad Əliyev saxlanılıb və ona qarşı Cinayət Məcəlləsinin 178.2.4-cü maddəsi ilə ittiham elan edilib.
Cinayət işinə Xətai Rayon Məhkəməsində baxılıb. Rəşad Əliyev məhkəmə zamanı özünü verilmiş ittiham üzrə təqsirli bilib.
O, məhkəmənin hökmü ilə 3 il müddətinə azadlığın məhdudlaşdırılması cəzasına məhkum edilib. Rəşad Əliyevin şübhəli şəxs qismində saxlanıldığı 2 gün müddət 1 gün 2 gün hesabı ilə təyin edilmiş cəzadan çıxılıb və üzərində qəti olaraq 2 il 11 ay 26 gün azadlığın məhdudlaşdırılması cəzası saxlanılıb.
//qaynar.az
